Diplaomasia

Nifarana hatreo, raha ny fampahafantarana natao nandritry ny fanomezana mari-boninahitra fankasitrahana ny ambasadaoro frantsay niasa teto Madagasikara farany, Arnaud Guillois, ny iraka nampanaovina ity masoivoho ity eto amintsika. Nilaza moa omaly ny minisitry ny raharaham-bahiny malagasy, Alice N’Diaye, mafy ny fifamatorana diplaomatika eo amin’i Madagasikara sy Frantsa. Hitohy hatrany, noho izany, hoy ny fanazavàna, fifanakalozàna ho fanatsaràna izay fifandraisana eo amin’ny firenena roa tonta izay. Velarina hatrany anaty fifankahazoana sy fifampitokisana izany. Miara-dalana eny ihany koa ny fiaraha-miombon’antoka amin’ny endriny maro samihafa, hoy hatrany ny fampahatsiahivana natao. Lasa, araka izany, i Arnaud Guillois fa dia andrasana indray izay ho solony ao anatin’izao fotoana maha be adihevitra momba ny fifandraisana ara-diplaomatikantsika amin’ireto lazaina fa reny malala ireto sy ny tatsinanana, indrindra, amin’ny rosianina izao.
J. Mirija