EGNA AMBOSITRA

no namoy ny ainy ny talata 26 martsa 2024 maraina teo, raha ny vaovao avy any Ambositra. Mpiofana ao anatin’ny andiany faha-78 izy io no voalaza fa tratry ny tsy fahasalamana, nitarika fahafatesany. Voalaza fa nitaraina ho sempotra izy ny alatsinainy lasa teo, ka nandalo tao amin'ny Infirmerie an’ny EGNA. Ny tao indray nandefa azy tao amin'ny CHRR Ambositra, mba hatao fitiliana. Teo no nahitan'ny mpitsabo fa misy fahavoazana be ny ilany amin'ny havokavony, ka notazomina tao amin'ny CHRR Ambositra. Mieritreritra ny hanao fitiliana raboka na “tuberculose” ny mpitsabo no izao nindaosin'ny fahafatesana izao ilay mpianatra ho zandary, raha ny tatitra. Raha ny fanamarihana, dia efa nanatona ny Infirmerie teo anivon’ny EGNA izy ny 19 martsa noho ny fisiana bay teo amin’ny tongony.
Nangonin’i Toky R