Actualités

Ihajason Randriamanalintsoa. Tahaka ny vina rehetra dia ho tanterahana amin’io oktobra sy novambra io ny fanatsarana ny lalana rehetra manodidina an’Ambohitrimanjaka miala eto amin’ny kaominina, hoy izy. Kitapom-bolan’ny kaominina madiodio no hanaovana izany, izany hoe miainga amin’ireo haba sy hetra isan-karazany. Ny zava-dehibe dia hoe misy ny rano fanetsana saingy ny olana tamin’ity taona ity dia ny tsy fisian’ny rano any amin’ny reniranon’i Sisaony. Ny alarobia teo izahay nijery sy nanara-maso ny lohan’ny renirano amin’iny moron’i Sisaony iny mihitsy. Iny moa mampiditra ny rano avy any amin’ny ilany atsimo sy andrefana amin’ny resaka fanetsana ny tanimbarin’Ambohitrimanjaka, izay marihina foana hoe 2100 ha. Saika ny antsasak’izay dia tokony tondrahan’ny reniranon’i Sisaony raha toa ka an’ny reniranon’Ikopa ny atsasany. Ara-dalana ny fampidiran-drano any Ikopa saingy tsy misy rano hampidirina kosa ao Sisaony fa ny fikojakojana sy fanarenana ny lakan-drano sy fandraisan-drano na taboaka dia efa nandaniana vola tsy toko tsy forohana izany hahatsara fampidiran-drano. Ny rano ampidirina amin’ny ilany atsimo mbola tsy misy ka mbola misy izany tanimbary maina tanteraka amin’izao fotoana izao. Efa vita moa izay fa ny fanamboarana ny lalana izany izao no vinaniana handaniana vola hatrany amin’ny maherin’ny 40 tapitrisa Ariary any, hoy hatrany ny tenany.

J. Mirija