Mbola betsaka anefa ireo tsy manao izany izay tsy noho ny tsy fahalalana loatra amin’ny ankapobeny fa noho ny antony hafa ihany koa. Ho an’ny kaominina Ampitatafika, distrikan’Atsimondrano manokana dia nanambara ny Ben’ny tanàna Rado Ramparaoelina omaly fa tsy manentana ny vahoaka mba hanangan-tsaina izy ireo. Tokony efa fantatry ny olona izany hoy izy fa rehefa hankalaza ny fetim-pirenena 26 jona dia manangan-tsaina izay fety iraisana, izahay rahateo kaominina kely. Ankoatra izay hoy hatrany ity Ben’ny tanàna ity dia efa tena manahirana ny miresaka amin’ny olona amin’izao. Sorena ny olona amin’ny hafitsoky ny JIRAMA. Sorena koa ny olona amin’ny fisamborana etsy sy eroa ho an’izay mamoaka hevitra hoy izy ka ny sainy mihitsy no tsy mazoto. Manampy trotraka izany hoy hatrany izy ny tsy fatoriana amin’ny alina amin’ny fiambenana ny tanana noho ny hamaroan’ny mpangalatra nefa mbola miasa maizina ihany koa. Ho an-dRado Ramparaoelina araka izany dia manana ny antony ny olona matoa manangan-tsaina, nefa manana ny antony ihany koa izy matoa tsy manangana. Ho azy ireo manokana moa dia hisy ny afomanga ho an’ny fetin’ny 26 Jona ho avy izao saingy vao hakana alalana sy fahazoan-dalana any amin’ireo ministera mpikarakara isan-tsokajiny izany.
Pati
Legende : Rado Ramparaoelina, Ben’ny tanànan’ny kaominina Ampitatafika nitondra ny fanazavana
Nambaran’ny Filoham-pirenena Andry Rajoelina fa 250 tapitrisa dolara na 1200 miliara
Amin’ny volana may 2024 no hanomboka miandalana ny asa fananganana ireo foibem-pamokarana
Nampahafantarina ofisialy omaly teny Andraharo misy ny foiben’ny orinasa Telma ny MVola Fô,
Raim-pianakavina iray no fantatra fa maty voatsatok’antsy teo amin'ny lamosiny sy ny kibony tany Antanimalandy
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,