Voalaza mantsy, fa maherin’ny 2 tapitrisa ireo olona lasibatr’io rivodoza io, raha ny fanadihadiana. Nahatratra 481 tapitrisa dolara kosa no tomban’ny fahapotehana ara-toekarena nateran, raha ny tomban’ny governemanta Malagasy. Tontosa omaly 26 aprily 2023 teny Anosy noho izany ny fanolorana tamin’ny fomba ofisialy ny taratasim-bola 1 203 909 USD ho an’ny governemanta malagasy, sy 300 977 USD ho an’ny an’ny PAM na ny Fandaharan’asa iraisam-pirenena momba ny fanjarian-tsakafo eto Madagasikara mba hoentina hanarenana ny fahavoazana. Distrika 13 nokasihin’ny rivodoza sy lasibatra no voalaza fa hisitraka ny tetikasa hampiasana ny famatsiam-bola, ka anisany ny any Atsimo Andrefana. Hampiasaina amin’ny asa takalo vola na « argent contre travail », hoentina manampy ara-tsakafo ny tokantrano marefo, ary hanajariana tanimbary 30 000ha tondraka sy simba tanteraka ny voly teo ambony io ka tafiditra amin’izany ny famatsiana masomboly sy zezika ho an’ny fambolem-bary,… Ho an’ny PAM manokana, dia isan’ny hampiasana ilay vola ny fiahiana ara-tsakafo ho an’olona 33 000 any amin’ny distrikan’I Nosy Varika sy Mananjary,... Raha ny tatitra, tao anatin’ny 2 taona, dia nisitraka famatsiana efatra mitentina 14 842 027 USD ny firenena malagasy ho fiatrehany ny loza ara-toetr’andro maro niatra taminy. Tanteraka izany amin’ny maha-mpikambana azy amin’ny rafitra ara-bola fiarovana amin'ny loza ateraky ny toetr'andro, iarahana amin’ny vondrona ARC (African Risk Capacity), hoy ny yfanamarihana. Nambaran’ny mpitondra etsy ankilany, fa tafiditra anatin’ny vinan’ny Filoham-pirenena hananan’ny Firenena faharetana ara-bola na “résilience financière” manoloana ny loza isan-karazany sy ny voka-dratsin'ny loza ara-toetr'andro izany io. Niseho tamin’ny endrika vitsivitsy moa ny fanaovan-tsonia omaly, ka nisy ny teo amin’ny ARC, ny CPGU (Cellule de Prévention et Gestion des Urgences) ary ny PAM, sy teo amin’ny governemanta, ny ARC ary ny PAM. Irariana mba tena ho amin’ny asa fanarenana sy fanavotana ny vahoaka tokoa no hampiasana ny vola ary tsy hotaingenana amin’ny sehoseho politika hoentina hanasongadinana tsangan’olona iray ao anatin’izao vanim-potoana akaiky fifidianana izao.
Toky R
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss