airtel

Actualités

06-mai-2024

Fanerena hampidinana indray ny saran’ny internet

Hamaky ady amin’ny « opérateurs » ny Fanjakana…

Sample post image

Nofoanana ny fameram-bidy na "prix plancher" nataon'ny Fanjakana tamin'ny alalan'ny Minisitry ny paositra sy ny fifandraisan-davitra

06-mai-2024

ary ny haitao ara-kajy mirindra na MNDPT izay nametra ho 0,95 USD ny 1 Gigaoctet amin'ny internet, nofaritana tao anatin’ny didim-panjakana 2023-397 tamin’ny 12 aprily 2023. Nihatra nanomboka ny 01 aprily ny fiakarana, saingy nihatra nanomboka ny 28 martsa raha tsiahivina no niova ny sarany sy ny tolotra nataon'ireo "opérateurs téléphoniques", ka nanafoana ny tolotra ho an'ny tambajotra sosialy navadika ho internet feno. Nidangana be io raha ny fimenomenon'ny mpanjifa ka fanontaniana mipetraka ny hoe : hanao tsindry hamerenana an’io amin’ny teo aloha ary ve ny Fanjakana ? Niteraka fimenomenonan’ny mpanjifa ny fidangam-bidy. Nisy fifampiraharahana ny aprily 2023 ho famerana amin’ny antoniny ny vidiny tahaka ny hita any amin’ny firenena Afrikanina, ao anatin’ny fitsinjovana mpanjifa, hampiroboroboana ny toekarena nomerika, fivelarana amin’ny internet fa tsy mijanona amin’ny tambajotra sosialy ihany, fanafainganana ny fampiasana tolotra ara-bola, tolotra nomerika amin’ny raharaham-panjakana,…, raha ny fanazavan’ny MNMDPT. Tsy nifanaraka tamin’ny votoatin’ny fifanarahana natao ny vidiny nataon’ireo orinasa, fa nidangana. Saran’ny internet zakan’ny vahoaka ihany no atao raha ny nambaran’ny Minisitra Tahina Razafindramalo nampitaina tamin’ny haino aman-jerim-panjakana omaly 05 mey 2024. « Tokony hanaraka izany ny tolotra izany hoe rehefa nofoanana ny « prix plancher » dia miverina amin’ilay sarany taloha zakan’ny vahoaka. Mitaky fameranana amin’ny laoniny ny tolotra sy vidin’ny internet eto Madagasikara araka ny tokony ho izy. Tsy tokony hiharan’ny vidin’ny internet mihoatra ny fahefa-mividiny ny mpanjifa, ary tsy maintsy mandray andraikitra mifanaraka amin’izany ny governemanta », hoy ny fampitam-baovao omaly, izay nanamafy fa tsy maintsy tsinjovina hifanaraka amin’ny fahefa-mividin’ny mpanjifa, antony nanafoanana ny « prix plancher ». Rehefa zohiana dia fanapahan-kevitra nivoaka niditra izay nisy fiantraikany goavana tamin’ny mpanjifa. Tsy voalanjalanja sy tsy voadinika tsara ary tsy vita fifanarahana mazava hatrany am-boalohany ve ? Raha zohiana amin’io dia hiditra amin’ny tsindry hampidinana indray ny saran’ny internet ny Fanjakana ka hanao ahoana ny ho setriny avy amin’ireo « opérateurs » ? Hanaiky mora ireo sa hanao izay danin’ny kibony ? Hiverina hitovy tanteraka amin’ny teo aloha tokoa ve ? Hahomby sa ho rava maina tahaka ny fanadihadiana parlemantera ? Miandry vokatra ny mpanjifa internet sy ny mpisehatra amin’ny ekonomia nomerika ! Betsaka ihany koa anefa ny zavatra mila arindra sy fehezina mba tsy haha gaboraraka ity sehatra ity !
Toky R
Sary fanehoana : Andrasan’ny mpanjifa ny vokatra hoentin’ny Minisitry ny paositra sy ny departemantany !

 

Dans la même rubrique

19-juil-2024

Tontosa omaly tetsy Anosy ny fivoriamben’ny mpitsabo nentim-paharazana eto Madagasikara na ANTM.

Card image cap
19-juil-2024

Tsy misy manana teti-bola manokana hiatrehana ny fialan-tsasatra lehibe ny ankamaroan’ny

Card image cap
19-juil-2024

Andeha ho ravana ny tsy fitoviana. Eo am-pelantanantsika mandrakariva ny fiovana” hoy Ramatoa Mbavhi

Card image cap
19-juil-2024

Havadika ho gaz bio-methane sy zezika bio-composte ny fakon’Andralanitra manomboka izao.

Card image cap
18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap