Actualités

Ho an’ny Faritra Vakinankaratra dia anisan’ny voafidy ny kaominina Antsirabe I raha lasan’ny kaominina Ambohibao Antehiroka sy Talatamaty kosa ny laharana faharoa sy fahatelo izay samy ao anatin’ny distrikan’Ambohidratrimo. Raha araka ny fanazavan’ny Minisitry ny tontolo iainana Ramatoa Baomiavotse moa dia tetikasa hanampiana ny kaominina hiditra ao anatin’ilay lalan-tsaina toe-karena mifamelona ity tetikasa ity. Ny fako mantsy hoy hatrany izy dia azo haodina hampiroboroboana ny asa fihariana indray fa tsy very maina akory raha hay tsara ny mikarakara azy. Azo havadika ho zezika entina hanampiana ny tantsaha ohatra ny fako…. Ho an’ny kaominina Antehiroka sy Talatamaty manokana dia fantatra fa mitambatra ny toerana fanodinan’izy ireo fako. Mitentina 90.000 dolara araka izany ny fanatsiam-bola azon’ireto kaominina roa ireto raha 8 alina dolara ny an’ny kaominina Antsirabe. Marihina moa fa ny 20%-n’ny mponina eto amintsika dia maty vokatry ny fahalotoan’ny tontolo iainana avokoa. Tanjona kendrena amin’ity tetikasa ity araka izany ny mba hahafahana mitantana ny fako hiarovana ny tontolo iainana amin’ny fiparitahan’ny fako etsy sy eroa.
Pati
Legende : Azo havadika ho vola ny fako raha hay ny mikarakara azy