na Da-willy 23 taona, tao Imerimandroso Imeritsiatosika ny takarivan’ny alahady 03 martsa lasa teo, tokony ho tamin’ny 6ora. Raha nilalao teo an-tokontany i Harena sy ny zandriny ka tsy nody tamin’ny ora tokony hodian’izy ireo ao an-tokatrano no nivoaka nitady azy ireo ny ray aman-dreniny. Nentin’i Da-Willy tao an-tranony, ary nanaovany ny filan-dratsiny. Tovolahy. Ilay zandriny kosa tafaporitsaka nitsoaka ka nandeha nilaza ny zava-nitranga tamin’ny Reniny sy ny mponina manodidina. Rehefa naheno ny savorovoro ilay lehilahy antsoina hoe Dawily dia lasa nirifatra nitsoaka, nisaoty varavarankely, ary rehefa nojerena dia ilay zaza efa nihosin-drà no hita tao. Mbola afaka niteny kely hoe : nirahin’i Dawilly, nesoriny ny kilaotiny,… Araka ny nambaran’i Harena dia nirahan’i Dawily hividy sigara izy ka teo no nanararaotany ny filan-dratsiny. Notsentsena fotaka ny sofiny, ary nomena ny totondry, mbola nokasain’ilay lehilahy hovonoina aza satria dia naratra ny tarehiny ary notsetsemana fotaka koa ny sofiny, raha ny fanazavan’ny reniny. Hatramin’ny omaly kosa, mbola tsy hita popoka ity Da-Willy ity izay voalaza fa reseverana taksibe zotra G, ary ifampitadiavana. Nisy ny fitsidihana nataon’ny Minisitry ny mponina sy ny Minisitry ny kolontsaina an’ity zazavakely ity teny amin’ny Hopitaly HJRA omaly, ka hentitra ary manao antso avo amin’ny mpitandro filaminana sy ny mpiray monina hikaroka ilay nahavanon-doza ny minisitry ny Serasera sy ny Kolontsaina sady mpitondra tenin’ny governemanta, Augustin Andriamananoro, hitondra azy eo anivon'ny mpitandro filaminana. Tsy azo ekena intsony ny mbola hitohizan'ny herisetra sy fanolanana ara-nofo ny zaza tsy manan-tsiny, hoy hatrany io Minisitra io. Efa kamboty Ray i Harena kely izao niharan’ny herisetra ara-nofo izao, raha ny fanamarihana. Simba tanteraka, saingy efa manaraka fitsaboana izy amin’izao fotoana izao, ny tolakandro teo ihany dia efa nampidirina ao amin’ny efitrano fandidiana i Harena ary ho raisin’ny minisiteran’ny fahasahalamam-bahoaka an-tanana ny fitsaboana rehetra, hoy ny tatitra. Nampifoha indray ny fanehoan-kevitry ny mpitondra tamin’ny alalan’ny Minisitry ny mponina Rtoa Haingo nAMbinina indray moa ity tranga ity manoloana ny adihevitra mikasika ilay fikitihana ny fehezan-dalàna famaizana hoe : iza no tokony ho jerena : ny zon’olombelona sa ny zon’ny zaza voaolana ?
Nangonin’i Toky R
mpitondra mahalala ny filàm-bahoaka sy tena laharampahamehana, vahoaka tsy sakana fa hery,
Raikely iray indray no voamarina fa nanolana ny zana-badiny vao 13 taona,
Mivoatra ny raharaha ady tany ao Amboanara, fokontany Batterie, Kaominina Hell-Ville Nosy Be,
Anisan’ireo teboka nitondran’ny eglizy katolika ny fijeriny ny lalàna momba ny famosirana ireo
Tanteraka eto ny tena fampiroboroboana ny indostria ety ifotony,
Nodimandry teo amin’ny faha-51 taonany androany 14 mey 2024 ny Tale Jeneralin’ny ARAI