tia tanindrazana

Parution du Vendredi, 25 Novembre 2022

airtel

Actualités

Fanolanana teny saropody Androndrakely Lasibatra hatramin’ny vavan’ilay zazavavy kely 11 taona

Tena miharatsy hatrany ny toe-javatra iainantsika eny anivon’ny fiaraha-monina eny ka ilana fitandremana fatratra, indrindra fa ho an’ireo manan-janaka vavikely.

24-nov-2022

Sample post image

Tovovavy kely iray vao 11 taona monja indray mantsy no fantatra fa naolana lehilahy miisa 2, teny Androndrakely Saropody, tamin’ny alahady 30 oktobra teo. Ankoatra ny fivaviany izay lasibatr’ireo mpanolana hatrany amin’ny ankapobeny dia fantatra fa naolan’ireo tsy mataho-tody ihany koa ny lavaka fivoahan’ny malotony. Tsy nijanona teo izany fa tonga hatrany am-bavan’ity zazavavy kely ity ka nampitondra takaitra maharary azy. Raha araka ny fanazavan’ilay tsy manan-tsiny dia ny iray nanampina ny vavany hatrany nandritra izany raha nanararaotra nanao ny filan-dratsiny ny iray. Noho ny fahasahiranan’ireo Ray aman-dReniny anefa dia tamin’ity herinandro ity izy ireo vao afaka nametraka fitoriana. Tsy maintsy mila vola 60.000 Ar mantsy izy ireo hahafahana maka ireo nahiana ho nanolana nalaina am-bavany teny amin’ny polisy.
NIKAKA RA SY NANDOA
Raha araka ny fanazavana hatrany dia nandoa sy nikaka ra ity zaza ity ny 31 Oktobra, antony nahafantarana ny tena nanjo azy. Nandeha tany amin’ny dadabeny kosa no anton-diany teny Saropody. Natahotra ny ho bedy anefa izy tamin’io andro nanolanana azy io ka tsy sahy nitaraina tamin’ireo Ray aman-dReniny. Tao amin’ny CSB II Tanjombato ity zaza ity no nentina voalohany. Rehefa nahita ny fahasimbany tanteraka anefa ireo mpitsabo tao dia avy hatrany dia nandefa azy teny amin’ny Centre Vonjy Befelatanana. Raha araka ny fantatra moa dia mandrahona fatratra ny fianakavian’ity zazavavy kely ity ireo olona ahiahiana amin’izao fotoana izao koa hanaovan’izy ireo antso avo amin’ny fitondram-panjakana.
Nangonin’i Pati
Legende : Ity ilay tovovavy kely miaraka amin-dReniny
 

Dans la même rubrique

Card image cap
Analamalotra, Toamasina II Tsy handefitra ireo milaza ho tompon’ny tany
25-nov-2022

Nametraka fitarainana any amin’ny Nonce Apostolika ny tompon’ny tany ao Analamalotra, Toamasina II, hoy ny fampitam-baovao voaray omaly.

Card image cap
Hivoaka anio ny tombana momba ny Jirama Fifanilihana no betsaka, ny delestazy tsy resy
25-nov-2022

Telo andro na efatra andro lasa no namaly hafatra farany ny Tale Jeneraly mpisolo toerana eo anivon’ny Jirama Atoa Rivo Radanielina, ary eto Antananarivo raha ny nambaran’ny Minisitry ny angovo sy ny akoran’afo omaly.

Card image cap
Fanenjehana an-dry Ketakandriana Nanaovan’ny Iraisam-pirenena tambabe ny fanjakana
25-nov-2022

Nitohy omaly teny amin’ny Polisy ekonomika ny fakana am-bavany an-dRtoa Ketakandriana Rafitoson Sekretra mpanatanteraky ny TI-IM (Transparency International-Initiative Madagascar)

Card image cap
Tetezana Amboay Ambositra 12 lahy tsy ampy taona nanolana vehivavy iray
25-nov-2022

Trangam-piarahamonina isan’ny nanamarika ity herinandro ity ny fanolanana nataona tovolahikely miisa 12 ny vehivavy iray voalaza fa efa ampy taona.

Card image cap
Hafari malagasy “Hisintaka amina toerana tsy misy mpanelingelina aloha izahay”
25-nov-2022

Taorian’ny resaka fanamboarana ny kianjan’Anosizato dia miroso hatrany amin’ny asa fitarihana ny fikambanana Hafari malagasy, hoy ny filohany, Jean Nirina Rafanomezantsoa.

Card image cap
Sehatra tsy miankina Entanina hamokatra izay angovo ilainy
25-nov-2022

Notanterahina tetsy amin’ny Carlton omaly ny andiany faha-6 amin’ny Fiaraha-midiniky ny Rafi-panjakana sy ny Sehatra tsy miankina, nokarakarain’ny EDBM.

Voir plus