airtel

Actualités

25-janv-2024

Fanolanana zaza 6 taona

Lehilahy 35 taona nidoboka am-ponja

Sample post image

Niatrika fampanoavana tao Miarinarivo, omaly, ny lehilahy iray 35 taona,

25-janv-2024

raha ny fampitam-baovao voaray. Enjehina ho nanolana zazavavy kely 6 taona tao amin'ny fokontany Ampefindradama, kaominin'Ampefy, distrikan'i Soavinandriana, faritr'Itasy, izy. Nampidirina am-ponja vonjimaika izy ary any Tsiafahy avy hatrany. Izy moa nandà fa tsy nanolana. Ny fizahan'ny dokotera kosa dia manamarina fa tsy virijiny intsony ilay zaza ary misy tsiranoka mivoaka. Taitra ny renin'io zaza io raha nanasa sy nahita tsiranoka mavomavo tamin'ny silipon-janany ny 15 janoary. Nitaraina ho narary ilay zaza ary notsaboina tamin'ny fanafody netim-paharazana teny. Ny 20 janoary anefa mbola nisy tsiranoka nivoaka ihany tamin'ny mahavehivavy azy sady namofona maimbo. Teo vao fantatra rehefa nitantara ilay zaza fa nanaovan'ilay lehilahy ny filan-dratsiny ary notambazany 500 ariary mba tsy hiteniteny na amin'iza na amin'iza. Nosamborin'ny polisy avy ao amin'ny kaomisaria Soavinandriana ilay ahiana ho tompon'antoka ny talata teo. Olona tsy an'asa izy io ary mpiara-monina amin'ilay zaza ihany. Izy nilaza fa tsy nanolana fa nanasa ilay zaza tany an-doharano no nataony ary vola 500 ariary hividianana "chips" no nomeny azy, hoy hatrany ny fampitam-baovao voaray. J. Mirija

 

 

 

Dans la même rubrique

17-mai-2024

Nitombo 12% tamin’ny volana aprily teo raha oharina ny tamin'ny volana aprily 2023 ny mpizahatany

Card image cap
17-mai-2024

Taorian’ny Minisitry ny filaminana anatiny herinandro latsaka izay nidina teny amin’ny seranam-piaramanidina Ivato,

Card image cap
17-mai-2024

Vehivavy iray tombanana ho 30 taona eo ho eo no hita faty tao Fitroafana Talatamaty,

Card image cap
17-mai-2024

Nisokatra tamin’ny fomba ofisialy omaly 16 mey tetikasa telo vaovao eo amin'ny sehatry ny tontolo iainana,

Card image cap
16-mai-2024

mpitondra mahalala ny filàm-bahoaka sy tena laharampahamehana, vahoaka tsy sakana fa hery,

Card image cap
16-mai-2024

Raikely iray indray no voamarina fa nanolana ny zana-badiny vao 13 taona,

Card image cap