Actualités

Mety hahatratra 70 ka hatramin’ny 100 mm ao anatin’ny 24 ora izy io raha ny nambaran’ny sampandraharaha mpamantatra ny toetry ny andro, izany hoe matevitevina ihany. Ny faritra afovoany andrefana, atsimo atsinanan’ny nosy ary ny faritra sasany amin'ny afovoan-tany no tena voakasik’izany mivantana ka tafiditra ao anatin’izany ny distrikan’i Ambanja, Bealanana, Analalava, Antsohihy, Boriziny, Mampikony, Miandrivazo, Belon' i Tsiribihina, Farafangana, Vondrozo, Vangaindrano, sy ny distrika rehetra ao Boeny, Melaky, Vatovavy, Fitovinany ary Analamanga.Hiteraka fanelingelenan’ny fahitana, rano miandrona, fiakaran’ny renirano, ranotrambo, fihotsahan’ny tany izany rotsak’orana izany koa tena mila mitandrina ny mponina mipetraka amin’ny toerana marefo sy mora tondraka ary hanaraka tsy tapaka ny toromariiky ny manampahefana eny ifotony mba hisorohana ny loza mety hitranga, hoy hatrany ny sampandraharaha mpamantatra ny toetry ny andro. Efa maro ny lalana, tapaka, lasan’ny rano, nihotsaka sy tsy azo aleha eny amin’ny lalam-pirenena.Tena fahendrena ny tsy mivezivezy aloha mandra-pisinton’ny rano. Mbola tena ahiana ny loza mantsy raha mbola hitohy hatramin’ny 26 janoary ny rotsak’orana.Aoka hitandrina sy ho mailo hatrany.
Nangonin’i RTT