airtel

Actualités

20-janv-2023

Actualités

Fiadidian’ny Repoblika Manome 15 andro hamerenana ireo fiarany misy mampiasa

Sample post image

Raikitra ny fitakian’ny Fiadidian’ny Repoblika ireo fiara voalaza fa azy sy misoratra aminy, saingy lasa miparitaka any amin’ireo sampan-draharaham-panjakana samihafa toy ny minisitera na rantsa-mangaikan’ny Fanjakana,

20-janv-2023

eny misy am-pelantanan’olon-tsotra izay tompon’andraikitra teo aloha aza. Niainga avy amin’ny torohay nangonin’ny Fiadidian’ny Repoblika ary nohamarinina teo amin’ny Ivon-toerana momba antontan-taratasin’ny fiara na “Centre immatriculateur” io. Nankatoavin’ny Filankevitry ny minisitra ny alarobia teo noho izany ny fanangonana ireny fiara ireny, ka nanaovan’io andrim-panjakana io antso ho an’ireo olon-tsotra na sampan-draharaha mitazona ireo fiaran’ny Fiadidian’ny Repoblika mba hamerina izany ao anatin’ny 15 andro nanomboka tamin’ny fandraisana ny fanapahan-kevitra teo anivon’ny Filankevitry ny minisitra ny 18 janoary 2023. Eo anivon’ny “Direction de l’Infrastructure de la Logistique” izay fitaleavana eo anivon’ny Prezidansa no hanaovana ny fanaterana. Hiditra avy hatrany amin’ny fandraisana fepetra mifanandrify aminy ny Fiadidian’ny Repoblika ka haka ny fiara mba hisian’ny fitantanana ny fananam-panjakana araka ny tokony ho izy ao anatin’ny mangaraharaha tanteraka, hoy ny fampitandremana. Voafehin’ny didim-panjakana N°93-894 ny fampiasana ny fiaram-panjakana ka anisany mazava ho azy ny eo anivon’ny Fiadidian’ny Repoblika izay andrim-panjakana voalohany eto amin’ny firenena. Fampitandremana, sazy, fampidinana laharana arak’asa, fandroahana,… no mety ho setrin’ny tsy famerenana, raha ny notaterin’ny fampahalalam-baovao iray izay nanontany mpahay lalàna. Mety hampigadra hatrany amin’ny 5 taona sy handoavana lamandy 10 800 000 Ar. Zava-dehibe ny fitakiana ny famerenana ny fiaran’ny Fiadidian’ny Repoblika na andrim-panjakana hafa : fa rahoviana vao mba hisy fe-potoana 15 andro hamerenana ny volamena 36kg nanjavona tao anaty Biraom-panjakana? Ny volan’ny coronavirus voahodinkodina ? Ny volam-panjakana hatrany amin’ny 52 miliara voahodinkodina nandritra ny 8 volana voalohan’ny 2022 sy ny maro hafa ?

Toky R

 

Dans la même rubrique

21-juin-2024

Tamin’ny fifidianana filoham-pirenena no efa niteny izahay fa tokony alamina aloha ny tokontanim-pifidianana,

Card image cap
21-juin-2024

Mikaroka hatrany ny hevitra hanomezana fahafam-po ny mpanjifa ny PHO Resto,

Card image cap
21-juin-2024

Zokiolona 1.500 isa nanomboka omaly Alakamisy 20 Jona no nozaraina fanomezana

Card image cap
20-juin-2024

Ny herinandro voalohan’ny volana mey no vaky am-batolampy, niparitaka ny horonan-tsary maneho ny fehetsika

Card image cap
20-juin-2024

Andro vitsy lasa izay no notokanana ny torapasika voatrolombelon’i Miami

Card image cap
20-juin-2024

Niditra an-tsehatra nanao hetsika fanadiovana sy fanalàna tsikafona amin’ny toerana

Card image cap