tia tanindrazana

Parution du Vendredi, 25 Novembre 2022

airtel

Actualités

Fiarovana ny sezan’ny Minisitra Ampiadiana indray ny Mpiasan’ny Jirama

Mihombo ny olana ao anatin’ny Orinasa Jirama. Nisy ny fanambarana nataon’ireo sendikan’ny mpiasa ny talata 22 novambra 2022 teo,

24-nov-2022

Sample post image

izay naneho fa tsy tokony hijabaka amin’ny raharaha anatin’ny Jirama ny Minisitry ny angovo sy ny akoran’afo Atoa Andry Ramaroson. Naneho fa tsy tokony hanilika andraikitra sy hitady izay hamaharana ny Minisitra, ary tonga hatramin’ny fitakiana filazana fa tsy handray baiko avy amin’ity minisitra ity sy mitaky ny fanalana azy moa ny raharaha. Tsy niandry ela, fa nipoitra ihany koa ireo milaza andiana mpiasa hafa naneho fa farimbona sendikaly omaly. Diso tanteraka ny filazan’ireny milaza azy ho sendika ireny fa tsy tokony hitsabaka ny Fanjakana satria orinasam-panjakana io, hoy izy ireo. Naneho fa misy sendika miady tombotsoa manokana ka mamboly savorovoro. Raha mitaky ny handraisan’ny filoha fepetra hanala ny minisitra ny andaniny, dia nilaza kosa ireto fa manohana ny ezaka ataon’ny Minisitra, ary tsy ny fanalana ity farany no vahaolana. Tranga miseho foana moa ny tahaka izao rehefa misy zavatra tsy milamina ao anaty minisitera na sampan-draharaham-panjakana, ka misy foana ny fiezahana hametraka “rapport des forces” na fifandanjan-kery mba hiarovana ilay tompon’andraikitra ambony. Toa lasa nivadika ho fampisamahana ny mpiasan’ny Jirama. Ny olan’ny delestazy tsy mety mivaha, ny jirama mbola novolena ankolafy ihany koa. Rehefa zohiana, samy tompon’andraikitra feno amin’izao ny rehetra, saingy mitady ho fifanilihana hatrany no misy raha raisina amin’ilay tenin’ny minisitra fa dia ny 70% amin’ny olana dia tsy fahafehezan’ny teknisianina ny asany, ary ny 30% avy amin’ny hasomparana. Tsy misy andraikitry ny minisitra sy ny ekipany ve satria efa manao serasera sy kisehoseho lava fa miasa, mizara jiro cobra,…? Misy ny mandetika ilay minisitra, ary misy ny najoro hiaro azy, izay midika fisamatsamahana. Na ny mamondrona sy mampiray feo ireo mpiasa mba hifantoka amin’ny ady sy fanamby goavana hatrehana dia ny fanafoanana ny delestazy aza izany toa efa tsy vita intsony. Tsy maharo tena amin’ny vokatry ny asa intsony fa efa mampiteny olona hiaro azy amin’ny sezany? Na inona na inona fanazavana sy fiarovan-tena, vahaolan’ny angovo no andrasan’ny rehetra fa tsy fifanilihana sy fifampiarovana, ka sao hoboriboriana amin’ny hoe: misy misompatra, misy mafia,… hatrany ity resaka ity.
Toky R
 

Dans la même rubrique

Card image cap
Analamalotra, Toamasina II Tsy handefitra ireo milaza ho tompon’ny tany
25-nov-2022

Nametraka fitarainana any amin’ny Nonce Apostolika ny tompon’ny tany ao Analamalotra, Toamasina II, hoy ny fampitam-baovao voaray omaly.

Card image cap
Hivoaka anio ny tombana momba ny Jirama Fifanilihana no betsaka, ny delestazy tsy resy
25-nov-2022

Telo andro na efatra andro lasa no namaly hafatra farany ny Tale Jeneraly mpisolo toerana eo anivon’ny Jirama Atoa Rivo Radanielina, ary eto Antananarivo raha ny nambaran’ny Minisitry ny angovo sy ny akoran’afo omaly.

Card image cap
Fanenjehana an-dry Ketakandriana Nanaovan’ny Iraisam-pirenena tambabe ny fanjakana
25-nov-2022

Nitohy omaly teny amin’ny Polisy ekonomika ny fakana am-bavany an-dRtoa Ketakandriana Rafitoson Sekretra mpanatanteraky ny TI-IM (Transparency International-Initiative Madagascar)

Card image cap
Tetezana Amboay Ambositra 12 lahy tsy ampy taona nanolana vehivavy iray
25-nov-2022

Trangam-piarahamonina isan’ny nanamarika ity herinandro ity ny fanolanana nataona tovolahikely miisa 12 ny vehivavy iray voalaza fa efa ampy taona.

Card image cap
Hafari malagasy “Hisintaka amina toerana tsy misy mpanelingelina aloha izahay”
25-nov-2022

Taorian’ny resaka fanamboarana ny kianjan’Anosizato dia miroso hatrany amin’ny asa fitarihana ny fikambanana Hafari malagasy, hoy ny filohany, Jean Nirina Rafanomezantsoa.

Card image cap
Sehatra tsy miankina Entanina hamokatra izay angovo ilainy
25-nov-2022

Notanterahina tetsy amin’ny Carlton omaly ny andiany faha-6 amin’ny Fiaraha-midiniky ny Rafi-panjakana sy ny Sehatra tsy miankina, nokarakarain’ny EDBM.

Voir plus