Fidirana amin’ny taom-pitsarana 2023 Hiato 2 andro ny fandraisan-draharaha etsy Anosy

rahampitso Alakamisy sy afaka rahampitso Zoma. Noho ny fisian’ilay fotoam-pitsarana manetriketrika entina hamaranana tanteraka ny taom-pitsarana taona 2022 sy ny fidirana amin’ny taom-pitsarana 2023 no anton’izany. Fotoam-pitsarana manetriketrika hatrehin’ny filoham-pirenena sy ireo tompon’andraiki-panjakana isan-tokony indrindra fa ny mpitsara no hotanterahina amin’izany. Nampilaza ny firaiketan-draharahara eo anivon’ny fitsarana araka izany omaly fa afaka mijery ny peta-drindrina eny an-toerana manomboka anio Alarobia 08 Martsa ireo olona manan-draharaha tokony handeha amin’ireo daty roa voalaza etsy ambony ireo. Horaiketina ao anatin’izany peta-drindrina izany mantsy ny fotoana hanemorana ilay fotoam-pitsarana ho an’ireo sampan-draharaha rehetra voakasika. Amin’ny Alatsinainy 13 Martsa ho avy izao araka izany vao hiverina amin’ny laoniny tanteraka ny asa rehetra eo anivon’ny lapan’ny fitsarana ambaratonga voalohany etsy Anosy.
Pati