Ny telo no tra-tehaka teny Ankasina 67ha. Tsikaritr’ireo Polisy ny fisian’olona mifamezivezy mivoaka sy miditra ao amin’ny tokantrano iray teny amin’ny manodidina izay voalaza fa mpivarotra zava-mahadomelina. Natao avy hatrany ny fanaraha-maso sy ny fitsiriana ilay trano voalaza ka olona telo no hita tao. Vehivavy roa, 22 sy 28 taona ary lehilahy iray 42 taona no tao. Ny iray amin’ireto vehivavy ireto dia sady mifoka héroine no mivarotra efa nandritra ny enim-bolana raha manampy ilay tompony mivarotra kosa ny roa ambiny. Mbola nahitana héroine 22 fonosana moa tao amin’izy ireo nandritra ny fisamborana azy. Ny vehivavy roa 37 sy 41 taona kosa dia voasambotra tetsy amin’ny IVO Antohomadinika tamin’io andro io ihany tokony ho tamin’ny 06 ora hariva. Ny iray amin’izy ireto dia mpivarotra raha mpitsindrona kosa ny iray hafa. Araka ny tsilian-tsofina ren’ireo polisin’ny Stup dia misy olona mamatsy heroine eny amin’io faritra voalaza io. Nidina teny an-toerana avy hatrany izy mirahavavy . Mbola nahatrarana héroine miisa 08 teny amin’izy ireo nandritra ny fisamborana. Ny iray mpivarotra ary ny iray kosa mpanjifa izay mpitsindrona. Mbola nahitana fitaovana fampiasa amin’izany tao amin’izy ireo toy ny mizana fandanjana. Natolotra ny Fampanoavana omaly izy dimy mianadahy ka samy naiditra am-ponja vonjimaika avokoa.
Nangonin’i Pati
Legende : Ireto izy dimy mianadahy
Nanamarika iny herinandro iny ny fampahafantarana fa ilay teratany Israelianina Ron Weiss
Nihena ny trangana fanolanana tao anatin’ny 100 andro voalohany nitondran’i Andry Rajoelina,
Eny amin’ny lalam-pirenena faha 4 na RN4, ao anatin’ny distrikan’Ankazobe moa no misy ilay
Ny 10 mey izao, raha tsiahivina, no hivaly ny fitsaràna ny raharaha Romy Voos Andrianarisoa,
Tsy ho simba sy ho verivery fotsiny intsony manomboka izao ny voankazo vokatra ao Fenoarivo Atsinanana sy ny manodidina.