Fihaonambe iraisampirenena momba ny «Géodiversité»

Isan’ireo solontena malagasy niatrika ny fihaonambe iraisampirenena na «conférence international» momba ny antsoina hoe «Géodiversité» na fijerena ireo fahasamihafàna amin’ireo akora misy eto ambonin’ny tany sy ao Ambany ranomasina ao ny Dr Andriamandimby Souleman Ibrahim, izay manam-pahaizana malagasy momba ny tontolo iainana. Taorian'ny fihaonambe, raha ny fampitàm-baovao voaray, dia nanao fifanolorana fahatsiarovana ny mpandray anjara. Sainam-pirenena, vokatra malagasy sy boky ka boky momba ny «lémurien» na karazan-gidro nosoratan'i Pr Jonah Ratsimbazafy sy ireo mpiara-miasa aminy no nomen’ireo solontena malagasy ny sojabe sy ny oniversite ao Pologne, izay nandray ny fihaonambe, mba hipetraka ho fahatsiarovana. Gaga be ireo Sojabe sy mpianatra ao Pologne rehefa nasehonay azy ireo ny endriky sy ny tantaran'ny sainam-pirenena malagasy, hoy ny Dr Andriamandimby Souleman Ibrahim. Fotsy sy mena nitovy tamin'ny sainantsika fahiny tamin'ny faha mpanjaka ny sainam-pirenen’i Pologne, hoy hatrany ny tenany.
Nangonin’i J. Mirija