Saika nivadika nitondra sy nampiasa io kodiaran-droa io avokoa mantsy ny ankamaroan’ireo nanana fiara taorian’ny nampahazo vahana ny fitohanana teto amintsika. Nahazo tombontsoa betsaka tokoa vokatr’izany ireo mpivarotra moto teto amintsika. Nahatratra 25.000 isa teo ho eo mantsy no tontalin’ireo lafo tamin’ny taona 2021 raha tsy latsak’izany tamin’ny taona 2022 lasa teo. Miroborobo fatratra noho izany ny asa fanamboarana moto. Mahatafiditra 100.000 Ar isan’andro raha kely ny ivon-toerana iray raha tsy latsaky ny 40.000 Ar kosa ny vola any am-pelatanan’ilay tompona moto vao mahavita manolo na manamboatra zavatra iray simba izy. Misy amin’ireny ivon-toerana mpivarotra kojakojana moto ireny noho izany no maka mpanamboatra moto iray na roa ankoatra ireo mpanamboatra fotsiny. Mikarama ho an’ny tenany ireto farany araka izany miankina amin’ilay zavatra simba raha mahazo mpividy kojakoja kosa ilay tranom-barotra izay tsy maintsy manome kely ilay mpanamboatra moto ihany koa rehefa tena betsaka ny vola azony. Manomboka amin’ny 5000 Ar moa ny karama azon’ireo mpanamboatra moto raha misy mahatratra hatrany amin’ny 40.000 Ar ny an’ny sasany rehefa mikitika motera.
Pati
Legende : Moto no lasa tena fampiasain’ny olona eto amintsika
Nanamarika iny herinandro iny ny fampahafantarana fa ilay teratany Israelianina Ron Weiss
Nihena ny trangana fanolanana tao anatin’ny 100 andro voalohany nitondran’i Andry Rajoelina,
Eny amin’ny lalam-pirenena faha 4 na RN4, ao anatin’ny distrikan’Ankazobe moa no misy ilay
Ny 10 mey izao, raha tsiahivina, no hivaly ny fitsaràna ny raharaha Romy Voos Andrianarisoa,
Tsy ho simba sy ho verivery fotsiny intsony manomboka izao ny voankazo vokatra ao Fenoarivo Atsinanana sy ny manodidina.