Fihetsika mamoafady tamin’ny zaza tsy ampy taona

voalaza fa nanodinkondina zaza tsy ampy taona. Voatonontonona ho mpikambana sy mpitarika mihitsy ao anatin’ny T…, fikambanana mpiara-dia amin’ny fitondram-panjakana ary manana kandida ao amin’ny Boriborintany faha-4 izy io. Raha ny vaovao azo, dia nandalo fampanoavana omaly tolakandro ity raim-pianankaviana ity, ary nidoboka am-ponja vonjimaika, ka amin’ny 7 jona izao no hotsaraina. Lehilahy manodidina ny 50 taona ity nidoboka ity, ary hita tsara ao anatin’ny horonantsary izy manao fihetsika mamoafady amina zaza tsy ampy taona amin’ny alalan’ny safosafo samihafa, izay ao anaty birao raha ny fanombanana ny horonantsary. Misy tambazana vola, ary misy terena mivantana hanoroka sy hanafosafo azy, hoy ny fanamarihana hafa nandeha. Toetra amam-pihetsika mamoafady izay tombanana ho efa fanao matetika, ary amin’olona samihafa. Henjana ny lalàna manodidina an’io, ary mety ho tafiditra ao anatin’ny resaka fikasana hanolana izay mety ho tonga hatrany amin’ny famosirana. Vao nohavaozina rahateo ireo andininy mikasika ny fanolanana ao amin’ny andininy faha-332 sy 333 amin’ny fehezan-dalàna famaizana, nohamafisina ny sazy, ary tsy afa-bela na vao fikasana aza hanolana aza. Andrasana ny tohin’ity raharaha ity. Arakaraka ny sokajin-taona ihany koa moa ny famerana sy famaritana ny sazy. Fanontaniana azo apetraka ihany koa etsy andaniny ny hoe : manao ahoana ny lalàna mikasika ireo ankizivavikely na tovovavy mbola tsy ampy taona izay maro no mety efa miroboka any anaty fivarotan-tena ?
Toky R