FIKAONAN-DOHAM-PIRENENA

Naneho ny heviny mikasika ny fikaonan-doham-pirenena karakarain'ny FFKM sy ny Fitondram-panjakana ny Filohan'ny sendikan'ny Administratera sivila Rakotomanana Solofotahiana. Nambarany fa tsy tokony hisy olona hahilika na hatao an-kilabao na dia iray aza hahafahana manapotsitra ireo tena maharary eto amin'ny Firenena. Tsy tokony ho ferana ho an'ireo 18 taona no mihoatra ihany koa hoy izy izany fa rehefa manan-kevitra dia mety avokoa, fikaonan-doha izay tokony hiainga eny anivon'ireo Fokontany miisa 20.000 manerana an'i Madagasikara, mandalo ireo kaominina 1695, ireo distrika 120 isa, ny prefektiora 25 ary ireo faritra 24. Ho an'ny Fokontany dia nomarihiny manokana fa tsy maintsy hasiana fiantsoana fivoriana fanindroany na fanin-telony izany raha sanatria ka tsy mahatratra ny antsasaky ny isan'ny mponina ireo tonga.maneho hevitra. Anisan'ny tena handrandraina hoy ity Filohan'ny Synad ity ny fahasahian'ny olom-pirenena tsirairay avy milaza ny marina tsy misy tahotra na hena-maso eo ambany fiarovan'ny Fitondram-panjakana. Noraisiny ohatra ny zavatra tsy mety eo anivon'ny Fitsaràna izay mampitaraina ny maro toy ny fakana vola aman'olona, ny kolikoly etsy sy eroa....Raha izany rehetra izany no vita sy tontosa soa aman-tsara ao anatin'ny fotoana voafetra hoy izy dia inoana fa olana maro eto amin'ny Firenena no hivaha sy ahitam-bahaolana ary hitanteraka marina Ilay fanavaozana kasain'ny mpitondra ankehitriny hotanterahina.
Pati
Légende : Ny filoha nasionalin'ny sendikan'ny Administratera sivila Rakotomanana Solofotahiana !