Hisy ny fandaminana vaovao apetraky ny sampan-draharaha manomboka anio 14 aprily ka toy izao manaraka izao izany : Misokatra amin'ny 06 ora maraina ny fandraisana ireo antontan-taratasy; raha sendra mahita olona na Polisy manao kolikoly dia afaka antsoina ny laharana 034 05 507 34; Efa misy ihany koa ireo Polisy avy ao amin'ny IGPN afaka hanatonana eny an- toerana raha sendra misy izany. Mba hanafainganana ny fandinihana sy ny fankatoavana ny antotan-taratasy ilaina amin'ny fahazoana Pasipaoro dia ahato aloha ny fitakiana ny "lettre d'hébergement", hoy ny fampitam-baovao. Hisy ihany koa ny fandaminana vaovao hapetraka hialana amin'ny filaharana lavareny sy ny fandanim-potoana koa iangaviana isika hanaraka izany, hoy ny toromarika. Niteraka adihevitra be moa ny resaka fanovana momba ny fikarakarana pasipaoro toy ilay “lettre d'hébergement” avy amin’ny hivantanana, fanamarinana ny anton-dia sy ny maro hafa, izay maro no nandika izany ho fanasarotana, ary làlana mankany amin’ny kolikoly. “Mba mila miteny kosa ny ny Minisitry ny Atitany raha marina tokoa fa tsy voaloantsika ny trosan'ireo kaompania vahiny mpanao ny Pasipaoro: Semlex sy Veridos, dia notapahan-dry zareo ny fandefasana ireo Pasipaoro mankaty Madagasikara satria mbola ampahany amin’ny vola no voaloa, dia io risoriso be io ny fahazoana pasipaoro amin’izao. Efa tongan'ny mpanera hatrany izao…”, hoy moa ny fanehoan-kevitry ny Profesora Jonah Ratsimbazafy mikasika ity olan’ny pasipaoro eto amintsika lasa resabe ity.
Toky R
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,
Zazalahy kely iray vao 13 taona monja, mpianatry ny sekoly tsy miankina MDF Bealanana no hita faty
Lehilahy iray 36 taona, monina ao amin'ny Fokontany Mangabe no fantatra fa nanaparitaka
Nodimandry teo amin'ny faha-77 taonany ny Tale jeneralin'ny Apipa teo aloha Rateloson Philippe.
Tsy resaka mandeha intsony fa tena rakotra tera-tany Karana Indo-Pakistanais ao anatin’ny distrikan’Antananarivo Atsimondrano.