tia tanindrazana

Parution du Vendredi, 27 Janvier 2023

airtel

Actualités

Fikatsoan’ny raharaham-pitsarana Manomboka milefitra ny Fanjakana…

Herinandro latsaka kely izao no niditra tamin’ny fitokonana ny Sendikan’ny mpiraki-draharahan’ny Fitsarana. Nisy ny fihaonana teo amin’ny mpitarika sy ny Minisiteran’ny fitsarana naharitra adin’ny efatra teo omaly.

11-oct-2022

Sample post image

Manomboka milefitra ny Fanjakana satria mikatso ny raharaham-pitsarana, indrindra ny tetikasa fizarana karapanondro faobe izay efa tany amin’ny 01 septambra no nanomboka. Nisy ny naoty navoaka toa karazana tery sy tsindry ary manohintohina ny zo sendikaly vao andro vitsy. Nilaza kosa ny Minisitra François Rakotozafy omaly, fa ny naoty navoakany dia mikasika ny fampahatsiahivana ny lalàna velona momba ny zo hanao grevy izay misy fetrany. Nilaza io Minisitra io omaly, fa nisy ny fifanatonana teo amin’ny andaniny sy ny ankilany mikasika iny naoty iny, ary nisy ny dinila lava dia lava. Tsy fahavalo ny sendika satria na ny sendikan’ny mpitsara na ny sendikan’ny mpandraharaha samy mpiasa eo anivon’ny Minisitera no mandrafitra azy. Amin’ny maha “corps” azy, samy manana ny zavatra takiany mikasika ny fepetra sy tombotsoa arak’asa na “condition de travail”, kanefa misy ny miankina mivantana amin’ny Minisitera ary misy ny tsy miankina aminy mivantana, hoy ny fanamarihany. Izay no nifampidinihana, ka misy ny azo vahana ao anatin’ny fotoana fohy, fa misy ny ilàna fandinihana lalina. Ara-dalàna, tsy resaka fandrahonana olona, fa izay no lalàna, ka izay no nampahatsiahivana azy ireo ny adidy sy ny zon’ireo mpiasam-panjakana ambony, fa tsy misy endrika fanerena olona, hoy io Minisitra io. Zo fototra ny grevy, fa ny olona tsy manao tsy tokony hoterena sy asiana fandrahonana, hoy ity Minisitra ity teo anatrehan’ireo Mpitarika sendika… Naneho kosa ny Filohan’ny sendikan’ny mpiraki-draharaha fa Atoa Randriamaro Alain Michel fa fifampiresahan’ny Raiamandreny sy ny zanaka no tao, ary nisy fitiavana. Tsy tahaka ny nambarany tany aloha izany, fa nilefitra ny Fanjakana satria raha ny noresahana hatramin’izay dia fandrahonana no betsaka hoe: azo soloina rehefa tsy hiasa. Ny fanatsaharana grevy kosa, angamba tsy izay avy hatrany, fa mbola eo am-pamahana olana, fa efa hita soritra ny làlana hivoahana amin’ny fitokonana, ary hita fa hahomby. Manameloka an’ireo maneritery sy mandrahona ny mpiasa tsy mitovy hevitra amin’ny sendika satria zo fototra fa tsy an-tery ny fitokonana, hoy izy. Nilaza fa mahatsapa ny fisian’ny ezaka, ka hijery ny hanamaivanana kokoa ny fitokonana mba tsy ho vesatra ho an’ny Minisitera sy hitsinjovana ny vahoaka. Hanao fanambarana tsy ho ela ireo sendikan’ny mpiraki-draharaha.
Toky R

 

Dans la même rubrique

Card image cap
Kaominina Moramanga Manjaka ny fanamparam-pahefana
27-janv-2023

Tsy manana ben’ny tanàna voafidim-bahoaka I Moramanga Renivohitr’i Bezanozano, fa ben’ny tanàna mpisolo toerana napetraky ny fanjakana no misy.

Card image cap
Fiakaran’ny reniranon’i Sisaony Hisy famindran-toerana faobe noho ny loza manambana
27-janv-2023

Namoahana fampitandremana sy fampiomanana tamin’ny alalan’ny filazana loza manambana ny faritra maro amin’ny lemak’Antananarivo izay lalovan’ny reniranon’i Sisaony.

Card image cap
Andro ratsy Mikorontana ihany koa ny aterineto
27-janv-2023

Andrasana indray moa ny fanazavan’ny tompon’andraikitra fa dia ankoatry ny fikorontanan’ny famatsiana herinaratra

Card image cap
FETIN’NY MPIFANKATIA Maro ireo fanomezana azo hatolotra ny olon-tiana
26-janv-2023

Efa saika miomankomana amin’ny fankalazana ny fetin' ny mpifankatia indray ny rehetra amin’izao faramparan’ny volana Janoary izao.

Card image cap
Vokatry ny rivodoza Niakatra ho 8 ny maty, 17 tsy hita popoka
26-janv-2023

Nivory maika ireo tompon’andraikitra eo anivon’ny birao nasionaly misahana ny loza voajanahary na ny BNGRC omaly hariva.

Card image cap
Tranga tsy dia fahita firy Omby saika hovonoina nirifatra namonjy faty iray
26-janv-2023

Niely omaly ny fisiana tranga tsy dia fahita tany Tafiankasika Ambilobe iny. Nisy mpivaro-kena iray nandeha nividy omby, nentiny tany amin'ny “abbatoire”

Voir plus