airtel

Actualités

17-juin-2024

Fitadiavana Tale Jeneralin’ny Bianco

8 tamin’ny 33 no hiatrika sivana arak’asa

Sample post image

Taorian’ny fandraisana ny antontan-taratasin’ireo maniry ho Tale Jeneralin’ny Bianco

17-juin-2024

nifarana ny 15 jona, miisa 8 ireo kandida voatazona handalo fanadihasiana arak’asa. Nahatratra 33 ireo nandefa ny antontan-taratasiny tamin’ny komity manokana miantsoroka izany, ka vehivavy ny 5 tamin’ireo. Adminisitratera sivily, polisy, zandary, mpitsara, mpikamban’ny rafitra miady amin’ny kolikoly, ary avy amin’ny sehatra tsy miankina ireo nandefa ny antontan-taratasiny. Ny Filohan’ny Repoblika no hanendry amin’ny alalan’ny didim-panjakana aorian’ny fivoahan’ny anarana miisa 3 hisafidianana mivoaka avy eo anivon’ny « comité ad hoc » narafitry ny CSI ny komity mitandro ny fahintsiana. Tsara hatrany ny mampahatsiahy, fa tany amin’ny taona 2004 nitondran’i Marc Ravalomanana no namoronana ny Bianco, ka tanjona ny ady amin’ny kolikoly, Fanjakana tsara tantana,… Ny Bianco no rafitra nitsangana voalohany tamin’ireo rafitra 5 mandrafitra ny « système anti-corruption » dia ny PAC fitsarana momba ny kolikoly, ny SAMIFIN miantsoroka ny ady amin’ny famotsiam-bola sy ny ady amin’ny famatsiana ara-bola ny asa fampihorohoroana, ny ARAI miantsoroka ny fanagiazana ireo harena azo tamin’ny tsy ara-drariny, ny CSI na ny Komity miaro ny fahintsiana, ary ny Bianco izay birao misahana ny ady amin’ny kolikoly. Ny 2008 isika no tsara toerana indrindra teo amin’ny filaharana maneran-tany momba ny ady amin’ny kolikoly satria tany amin’ny laharana faha-80. Ny taona 2023 dia laharana faha-145 amin’ny 180, tsy manana isa afatsy 25/100, araka ny fanasokajian’ny Transparency International. Vao tsy ela no nosokajian’ny World Justice Project fa anisan’ireo firenena 10 voalohany ahitana kolikoly be indrindra satria eo amin’ny laharana faha-134 amin’ny firenena 142, ary tsy nahazo isa afatsy 0,27. Rafitra eo ambany fiahian’ny Fiadidian’ny Repoblika ny Bianco izay mety ho antony iray hahafaha-miady hevitra momba ny fahaleovantenany. Tsy finiavana hitsikera fa arakaraka ny fahafenoan’ireo rafitra no toa vao mainka mampirongatra ny kolikoly. Tsy feno ve ny fepetra hahafaha-mampihena sy mandresy izany sa ny finiavana mihitsy no tsy misy na tsy ampy?
Toky R
 

Dans la même rubrique

19-juil-2024

Tontosa omaly tetsy Anosy ny fivoriamben’ny mpitsabo nentim-paharazana eto Madagasikara na ANTM.

Card image cap
19-juil-2024

Tsy misy manana teti-bola manokana hiatrehana ny fialan-tsasatra lehibe ny ankamaroan’ny

Card image cap
19-juil-2024

Andeha ho ravana ny tsy fitoviana. Eo am-pelantanantsika mandrakariva ny fiovana” hoy Ramatoa Mbavhi

Card image cap
19-juil-2024

Havadika ho gaz bio-methane sy zezika bio-composte ny fakon’Andralanitra manomboka izao.

Card image cap
18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap