airtel

Actualités

31-mai-2023

Actualités

Fitsaram-bahoaka nahafaty olona telo 105 ireo efa nosamborina tao Lalazana Fianarantsoa

Sample post image

Tsy niandry ela, fa nisokatra avy hatrany ny famotorana mikasika ilay raharaha fitsaram-bahoaka nahatsiravina tany Lalazana Fianarantsoa ny alin’ny sabotsy 27 may lasa teo.

31-mai-2023

Raha hiverenana kely, dia olona 4 nandea fiara tsy matahodalana na “4x4” nampangain'ny fokonolona ho mpangalatr'olona. Nosakanan'ny fokonolona ny fiara nitondra azy ireo, ary dia tsy nananana antra ireo vahoaka fa nirohotra ny namono azy ireo. Vokany, maty ny 4, naratra mafy ary tsaboina amin’ny Hopitaly Tambohobe Fianarantsoa ny iray, potika tanteraka ilay fiara. Voalazan'ilay hany sisa velona fa resaka vato no antondian'izy ireo teny, hoy ny fitantarana. Raikitra kosa ny fisamborana ireo olona heverina ho tompon’antoka mivantana na ankolaka tamin’ity raharaha ity, mba hatao famotorana, ka hatry ny omaly dia nahatratra 105 ireo efa voasambotra. Mpitandro ny filaminana marobe rahateo no tonga teny amin’ny tanàna sy ny toerana nisehoan’ny zava-doza. Maro ny mety ho anton’ny fanadihadiana ireo fokonolona satria nisy aina nafoy, ka ao ny mety tompon’antoka tamin’ny vono olona, ao ny mety vavolombelona,… Ny Fitsarana rahateo no tompon’ny teny farany amin’ny raharaha tahaka itony aorian’ny fanadihadiana ataon’ny mpitandro filaminana. Na inona na inona kosa antony, heloka helohin’ny lalàna velona eto amin’ny tany sy ny Fanjakana ny fitsaram-bahoaka, ary tsy misy na iza na iza manana fahefana hanapitra ain’olombelona tahaka azy. Ny tena zava-doza ao anatiny ihany koa dia sanatria olona tsy manan-tsiny na tsy meloka no matimaty foana amin’ny mety ho resaka tondro molotra na kihonohono. Na mety tena marina aza ilay zava-misy nentina nanaovana fitsaram-bahoaka, dia mifanohitra tanteraka amin’ny lalàna. Sary iray mety maneho ny tsy fahatokisana ny ambaratongam-pahefana toy ny fitsarana ihany koa anefa izao ka tokony handraisana lesona sy hitondrana fanarenana hatrany satria tena efa lasa zava-doza, tsy misy dikany intsony ny mandatsaka aina. Potika ny fiarahamonina, betsaka ny lonilony, very ny fitandroana ny hasin’ny aina, ny tsy fandriampahalemana namoizana ain’olona maro, ny fahantrana mikiky,… hany ka mety endrika hantonton’ny olona amin’ny zavatra na tranga iray fahatezerany ka anisany ny fitsaram-bahoaka. Vao mainka anefa olana miteraka olana izany, ary vao mainka mizotra any amin’ny fahapotehana, ka mila jerena sy harenina.
Toky R
 

Dans la même rubrique

25-juin-2024

Hampitomboina ny mpitandro ny filaminana mandritra ny lanonam-panamarihana ny faha-64 taona

Card image cap
25-juin-2024

Misavovona hatrany amin’ny 1 444 miliara ariary ny trosan’ny mpamatsy solika amin’ny Jirama ho an’ny taona 2023.

Card image cap
25-juin-2024

Taty amin’ny tontolon’ny asa, izany hoe ny mpiasa, dia nihevitra daholo fa toy ny tamin’ny taon-dasa izay nisy

Card image cap
25-juin-2024

Tontosa, raha ny fampitam-baovao voaray omaly, ny fanasoniavana ny fifanaraham-piaraha-miasa

Card image cap
25-juin-2024

Tsy hisy hankalaza ny Fetim-pirenena 26 Jona izay homarihina manomboka anio Talata

Card image cap
25-juin-2024

Ny Randrana sendikaly dia tsy miditra amin’ny resaka olona ka hitaky hoe esory

Card image cap