airtel

Actualités

13-juin-2024

Fivoriamben’ny ONU faha-79

Voafidy ho Filoha lefitra dia hitondra inona ho an’ny Malagasy ?

Sample post image

Voafidy ho filoha lefitry ny Fivoriamben’ny Firenena Mikambana faha-79 i Madagasikara

13-juin-2024

Voafidy ho filoha lefitry ny fivoriamben’ny Firenena Mikambana (UNGA) faha-79 i Madagasikara mandritra ny fe-potoam-piasana hanomboka ny volana septambra 2024 hatramin’ny septambra 2025, araka ny seraseram-panjakana. Ny 06 jona teo no nandeha ny fifidianana, izay nambara, fa manamarika ny andraikitr’i Madagasikara eo anivon’ny fiaraha-monina iraisam-pirenena ity andraikitra. Tsy isika irery, fa firenena 20 no mandrafitra ity filoha lefiitra ity ahitana an’i: Alzeria, Angola, Aotrisy, Barbade, Micronezia, Ghana, Guatemala, Italia, Kyrgyzstan, Moldavia, Sénégal, Thailand, Tonga, Turkmenistan, ary Venezoela, ankoatra an'ireo mpikambana dimy maharitra ao anatin’ny Filankevitry ny Fiarovana anivon’ny Firenena Mikambana (Etazonia, Frantsa, Royaume-Uni, Shina ary Rosia). Amin’ny maha mpikambana azy ao amin’ny biraon’ny Vondrona Firenena Mikambana, dia hanana andraikitra lehibe i Madagasikara. Noho izany, ny Filohan’ny Repôblika, Andry Rajoelina, no filoha lefitra handray anjara amin’ny fivoriana faha-79 amin’ny fivoriambe, hatao ny 24 hatramin’ny 30 septambra 2024. Manamafy ny fahavononany hatrany ny firenena malagasy amin’ny fampiroboroboana ny fandriampahalemana, ny filaminana ary ny fampandrosoana maharitra, ary manantena ny hiara-hiasa amin’ireo firenena mpikambana rehetra ho fanamafisana ny fiaraha-miasa amin’ny sehatra iraisam-pirenena marolafy, hoy hatrany ny seraseram-panjakana. Tsy manamaivana ity toerana hanaovana serasera mipoapoaka tahaka ny fahasoavana be ho an’ny firenena ity, kanefa rehefa zohiana dia tsy dia tena hita ny lanjany rehefa tsy hay ny mampiasa azy, fa serasera tahaka ilay hoe : tompondakan’ny fanjarian-tsakafo avy eo manao kabary mipoapoaka fa mandany vola amina miliara dolara maro ny firenen-dehibe amin’ny ady any Ukraine kanefa ny mponina aty Afrika sy eto Madagasikara mila tohana ara-bola tokony hojerena. Tahaka izany ihany koa ny fifampiresahana sy fiaraha-maka sary amin’ireo olobe maneran-tany tahaka ny eo anivon’ny FMI sy ny Banky Iraisam-pirenena, io serasera be atao any Genève io, kanefa ny diplaomasia tsy mandeha amin’izay laoniny ary misy aza ny fandroahana ankolaka diplaomaty tena manana ny toerany dia io mikatsokatso na mihisatra io ny fiaraha-miasa toy ny amin’ny Vondrona Eoropeanina. Tena andrasana izao ny hoe : hiady ny hampidirana ny « Iles éparses » ao anaty lahadinika sy fandaharam-potoana ary ve ny Fitondrana Rajoelina ka hahavita izany ? Tao anatin’izao fitondrana izao dia efa nihemotra hatrany io resaka ankoatra ilay fampanantenana poakaty fa hiverina alohan’ny 26 jona 2020 ireo nosintsika.
Toky R

 

 

Dans la même rubrique

19-juil-2024

Tontosa omaly tetsy Anosy ny fivoriamben’ny mpitsabo nentim-paharazana eto Madagasikara na ANTM.

Card image cap
19-juil-2024

Tsy misy manana teti-bola manokana hiatrehana ny fialan-tsasatra lehibe ny ankamaroan’ny

Card image cap
19-juil-2024

Andeha ho ravana ny tsy fitoviana. Eo am-pelantanantsika mandrakariva ny fiovana” hoy Ramatoa Mbavhi

Card image cap
19-juil-2024

Havadika ho gaz bio-methane sy zezika bio-composte ny fakon’Andralanitra manomboka izao.

Card image cap
18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap