airtel

Actualités

17-juin-2024

Haingo ambony tsikoko

Ny Miami mipoapoaka, fa ny RN2 ain’ny toekarena zava-doza…

Sample post image

Betsaka ny manaratsy sy manakiana fa tsy ho vita ny Miami sy Autoroute,

17-juin-2024

ka ianareo no zatra manao fampanantenana poakaty, ny anareo fampanantenana fa ny ahy velirano, hoy i Andry Rajoelina nandritra ny fitokanana iero ambarany fa asa vitany, izay tao anaty taom-piasana 5 taona vao vita ny Miami. Ny Boulevard Ratsimilaho 1800m no hireharehana mafy fa ireo hafa nampanantenaina toy ny « voie » rapide 10km nametrahana vato fototra hatramin’ny 2019 tsy vita, ny autoroute mbola lavitr’ezaka, ny RN 2 izay tena ain’ny toekarena fampanantenana lava no betsaka. Lazaina fa làlana efa tamin’ny fanjanahantany, mavesatra ny kamio, 40 taonina no tokony ho entiny kanefa 60 no entiny, ary isaky ny mandeha ampanantenaina hatao foana. Raha vita 7 na 8ora ny làlana Antananarivo-Toamasina tany aloha, dia 13 na 14ora ankehitriny. Miala kely an’i Toamasina ihany koa dia efa henjana ny haratsian-dàlana miazo an’i Foulpointe izay isan’ny toerana mahasintona mpizahatany. Tsy maintsy ho vita hatramin’ny faran’ny taom-piasany ny « Autoroute », hoy i Andry Rajolina. Ekena izany, fa mby aiza ary ilay 80km mialohan’ny faran’ny 2023 fa efa misasaka ihany koa ity ny 2024? Mby aiza ilay « voie rapide » nametrahana vato fototra ny aprily 2019 ? Nampanantena fa hamboarina avokoa ny làlana simba ao Toamasina. Voaporofo foana fa ny an-dry zareo dia izay mahafinaritra aloha vao ny mahasoa. Miharihary hatrany ilay hoe hanenjika ny « haute saison » amin’ny fizahantany sy ny fialan-tsasatra lehibe dia notokanana ireto mamirapîtra ireto. Ilay làlana manitsy « voie rapide » sy ny RN2 anefa mihitsoka kanefa 70% n'ny fifamezivezen entana eto Madagasikara. Ny seranantsambon’i Toamasina no seranantsambo lehibe indrindra eto Madagasikara fa tsy nahamaika ny nanao azy fa fampanantenana lava. Haingo ambony tsikoko lava !
Toky R

 

Dans la même rubrique

19-juil-2024

Tontosa omaly tetsy Anosy ny fivoriamben’ny mpitsabo nentim-paharazana eto Madagasikara na ANTM.

Card image cap
19-juil-2024

Tsy misy manana teti-bola manokana hiatrehana ny fialan-tsasatra lehibe ny ankamaroan’ny

Card image cap
19-juil-2024

Andeha ho ravana ny tsy fitoviana. Eo am-pelantanantsika mandrakariva ny fiovana” hoy Ramatoa Mbavhi

Card image cap
19-juil-2024

Havadika ho gaz bio-methane sy zezika bio-composte ny fakon’Andralanitra manomboka izao.

Card image cap
18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap