airtel

Actualités

06-déc-2023

Harena azo tamin’ny kolikoly sy afera maloto

Fiara 116, kaontim-bola 6,227 miliara nogiazan’ny ARAI

Sample post image

Iray amin’ireo rafitra miantsoroka ny ady amin’ny kolikoly ny ARAI na

06-déc-2023

Agence National pour le Recouvrement des Avoirs Illicites ». Ny taona 2004 i Madagasikara no nanasonia ny Fifanarahan’ny Firenena Mikambana momba ny ady amin’ny kolikoly, ny 2015 no namolavolana ny paikady momba ny ady amin’ny kolikoly. Nitohy tamin’ny fananganana ireo rafitra maromaro mifameno amin’ny ady amin’ny kolikoly, ka tamin’ny alalan’ny didim-panjakana 2021-960 tamin’ny 29 novambra 2021 no tafatsangana tanteraka ny ARAI tamin’ny alalan’ireo mpikambana mandrafitra azy, ny lamina anatiny, ny fanodinana azy, ny asany,… Anatin’ny paikady 2015-2025 ny famaritana fa tokony ho hatrany amin’ny 40% amin’ny fanagiazana ny harena azo tamin’ny kolikoly sy ny afera maloto no ho tratra. Herintaona mahery izay no tena niodinan’ny ARAI, ka raha raha ny tatitra ofisialy omaly 05 desambra, dia nahatratra 210 ny fanapahan-kevitra efa noraisiny niainga tamin’ny fiaraha-miasa tamin’ireo sampan-draharaha sy fitsarana momba ny kolikoly. Fiara 116 no nogiazana, kaontim-bola 501 tsy azo hetsehina ka vola 6 227 581 304 na 6,227 miliara Ar mahery no voageja ao anatin’izany. Mbola tsy nisy ny didy fanagiazana tanteraka, efa voageja vonjimaika eo am-pelanantanan’ny ARAI, ka ny andro hisian’ny fanapahan-kevitra farany hilazana fa hatao lavanty dia alefa any amin’ny kitapombolam-panjakana, ary miverina amin’ny tompony raha voamarina fa tsy azo tamin’ny kolikoly, hoy ny fanazavana. Azo lazaina ho nahafa-po ny vokatra tao anatin’ny taona voalohany, ary hihatsara tsikelikely mandritra ny taona ho avy, raha ny fanomezan-tokin’ny ARAI. Nampahantarina ofisialy omaly rahateo ny Paikady nasionaly momba ny famerenana amin’ny kitapombolam-panjakana ny harena azo tamin’ny kolikoly na afera maloto, izay endrika vaovao ho an’ny ady amin’ny kolikoly ka zava-dehibe ho an’ny ARAI sy ny rafitra miady amin’ny kolikoly. Ny Minisiteran’ny Fitsarana no miaraka manao ny fampananan-kery azy io. « Zavatra maro no nentina toy ny fahafahana mampihatra manerana ny Nosy ny famerenana amin’ny Fanjakana ny harena azo tamin’ny kolikoly. Raha marefo ny lalàna na misy zavatra tokony halamina dia tsy maintsy jerena ny fanatsarana. Tanjona anatin’ny paikady ihany koa ny handraisan’ny rehetra anjara amin’ny dingana famerenanana ny harena maloto amin’ny Fanjakana, hampandraisana anjara ny firaisamonim-pirenena, ny olom-pirenena, hametrahana ihany koa ny tamberin’andraikitry ny sampana miady amin’ny kolikoly amin’ny vahoaka », hoy ny Tale Jeneralin’ny ARAI Atoa Rasoloharimanana Aimé.
FANODINKODINANA VOLA SY FANANAM-PANJAKANA NO TENA BETSAKA
Raha ny fanazavan’ny Tale Jeneralin’ny ARAI hatrany, 4 ireo heloka dia ny kolikoly sy izay miralenta aminy, fanodinkodinana volam-panjakana na fananam-panjakana, famotsiam-bola, famatsiam-bola ny asa fampihorohoroana,… Ny betsaka indrindra amin’ny fananana giazana dia ny raharaha fanodinkodinana volam-panjakana sy fananam-panjakana, ary faharoa ny kolikoly izay miseho amin’ny endriny maro toy ny fanararaotam-pahefana, ny tsenam-panjakana,… ka saika tafiditra ao anatin’izany ireo fiara sy vola giazana. Mbola misy dingana sy didy anefa vao tena tonga any amin’ny fampidirana azy anaty kitapombolam-panjakana.
Toky R
 

Dans la même rubrique

28-févr-2024

Dila izay ny iray volana sy tapany nanendrena ny ben’ny tanànan’Antananarivo

Card image cap
28-févr-2024

Samy nahatsikaritra ny rehetra fa nisy ny fahatapahan-jiro niverimberina omaly

Card image cap
28-févr-2024

Tafidina hatrany amin’ny 200 Ar ny iray kilao amin’ny paoma any

Card image cap
28-févr-2024

Zary lasa saham-pisolokiana goavana, efa an-taona maro izao, ny tambazotran-tserasera.

Card image cap
28-févr-2024

Zaza roa be izao no fantatra fa indray maty nilatsaham-potaka omaly Talata 27 Febroary

Card image cap
27-févr-2024

Nisy fahavakisana ny karieram-bolamena tao Antanifotsy Ilempona ao amin'ny fokontany

Card image cap