Hetsika iraisam-pirenena momba ny fonenana

fankalazana ny faha 25 taonan’ny hetsika iraisam-pirenena momba ny fonenana na “Salon international de l’Habitat”. Nanomboka omaly ity andiany faha 25 ity ary tsy hifarana raha tsy ny alahady hoavy izao. Miisa 120 mahery moa, raha ny fampahatsiahivan’ny tomponandraikitra voalohany eo amin’ny fikarakarana, Harilala Ramanantsoa, ireo tranoheva mandray anjara ary samy hanome fihenam-bidy avokoa mandra-pahatapitry ny hetsika. Ankoatran’ny lafiny anatin’ny trano sy ny manodidina azy dia hampiavaka ny hetsika ny fampiratiana ihany koa momba ny fanaingoana ny ivelan’ny trano toy ny resaka zaridaina sy ny manodidina izany. Hisy ihany koa ny fifampizarana traikefa eo amin’ireo samy mpandraharaha amin’ity sehatra iray ity sy ny velan-kevitra samihafa hampahafantarana bebe kokoa ny maha sarobidy izay tontolon’ny fonenana sy ny resaka mari-trano izay, hoy hatrany ny fanampim-panazavana natao nandritr’izao lanonam-panokafana izao.
J. Mirija