Tsy miova ny vinavina fa manambana ny morontsiraka atsinanan’ny Nosy ity rivodoza ity ka ahiana hiditra an-tanety eo anelanelan’ny Vatomandry sy Mananjary ny alin’ny sabotsy 05 febroary 2022. Tombanana ho rivodoza mahery vaika izy amin’izay fotoana izay, raha ny fampitam-baovao voaray izay midika fa hatevina ny rotsak’orana ary ho mafy ny fitsoaky ny rivotra. Tsy misy fiovana ny filazana fanairana miloko maintso mikasika ny rivodoza voarain’ireo distrika sy faritra voakasik’izany : Antalaha, Analanjirofo, Toamasina I- II, Vohibinany (brickaville), Vatomandry, Mahanoro, Antanambao Manampotsy, Nosy Varika, Mananjary, Manakara, Vohipeno, Farafangana, Vangaindrano ary Taolagnaro. Entanina manokana araka izany ny mponina voakasikin’ny fanairana mba hanaraka akaiky ny fivoaran’ity rivodoza ity. Ets ankilan’izay dia nahazo vahana ny varatraza nanomboka omaly ka entanina ny mpampiasa ranomasina rehetra amin’ny morontsiraka atsinanana manontolo mba tsy hiandriaka intsony, hoy ny filazan’ny sampandraharaha mpamantatra ny toetry ny andro omaly.
Hanorana tandrifindrahona sy hanorana malefaka manomboka anio alarobia ny faritra atsinanana sy avaratry nosy toa an’Antsinanana, Diana, Sava, Melaky.Rahampitso alakamisy kosa dia hanorana amin’ny ankapobeny ny morontsiraka atsinanana iray manontolo miampy ny ilany atsinanan’ny afovoan-tany. Saika ho maina kosa ny ilany andrefan’ny Nosy. Saika hahitana orana avokoa ny faritra maro manerana ny Nosy ny zoma ho avy izao fa ho betsaka kokoa ny any Vatovavy, Fitovinany, Atsimo Atsinanana mihazo an’i Matsiatra ambony sy Ihorombe
Nangonin’i RTT
Nambaran’ny Filoham-pirenena Andry Rajoelina fa 250 tapitrisa dolara na 1200 miliara
Amin’ny volana may 2024 no hanomboka miandalana ny asa fananganana ireo foibem-pamokarana
Nampahafantarina ofisialy omaly teny Andraharo misy ny foiben’ny orinasa Telma ny MVola Fô,
Raim-pianakavina iray no fantatra fa maty voatsatok’antsy teo amin'ny lamosiny sy ny kibony tany Antanimalandy
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,