Kandida ho Filohan’ny Kaomisionin’ny UA

ho filohan'ny Komisionan'ny Vondrona Afrikana. Nisy ny fanambarana nataony mikasika ny vina entiny, ka nanasongadina ny fampidirana sy ny fitomboan'ny toekaren'i Afrika amin'ny faniriana hanamafy ny fanatanterahana ny Faritra hanalalahana ny fifanakalozana ara-barotra malalaka Afrikanina na ny ZLECAf. Nambarany fa zava-dehibe sy tsy azo hihodivirana io aty Afrika mba ahafahan'ny kaontinanta manatanteraka sy maneho feno ny herijakany ara-toekarena, mba hanana ny lanjany sy toerana eo amin'ny rafitra ara-toekarena manerantany. Manamafy ihany koa i Richard Randriamandranto fa ny firenena afrikanina dimy dia mamokatra 50 % ny harin-karena faobe na PIB kontinentaly, izay 2,8 miliara USD. Noho izany, ny ZLECAf dia hanampy amin'ny fanomezana fahafahana ny firenena tsirairay handray anjara amin'ny fitomboan'ny toekarena ao amin'ny kaontinanta, manokatra ny herijika amin'ny tsenan'i Afrika. Amin’ny taona 2025 moa ny fifidianana izay ho Filohan’ny Kaomisionin’ny Vondrona Afrikanina ka asa hanao ahoana ny vokatra ho an’ity kandida ity. Ny filoha teo aloha Hery Rajaonarimampianina no naniry sy nifandresy lahatra ireo mpitondra Fanjakana Afrikanina, saingy tsy nomen’ny Fanjakana Rajoelina hirika, ka nahatonga an-dry Rivo Rakotovao nilaza fa lalao iraisam-pirenena ve no atao dia mpilalao « 4ème division » no hampiakarina kianja. Andrasana ny tohiny satria mety manana ny paikadiny ihany koa ny fitondrana ka ny vokatra no hamaritra ny fahombiazany na tsia fa raha ny resaka diplaomasia sy jeopolitika aloha dia toa lasa malaza ratsy noho ny lafiny maro i Madagasikara, ary toa malailaifonosana amintsika ny firenena sasany raha tsy hilaza afatsy ny raharaha trafikana volamena nifanolanana tamin’i Afrika Atsimo, dia io ihany koa ny lonilony amin’i Kaomoro izay ny Filohany Azali Assoumani no Filohan’ny Vondrona Afrikanina !
Toky R