Kolikoly avo lenta sy fanaparam-pahefana

no nosamborin’ny BIANCO nohadihadiana momba ny tsy fanarahan-dalàna voalaza fa nataon’izy ireo, ka natolotra ny fampanoavana teo anivon'ny PAC (Pôle Anti-corruption). Ny taona 2023 no nisehoan’ny tantara nandritra ny fidinana ifotony nataon’ireo kaomiseran’ny varotra sy mpanara-maso ara-barotra, izay voalaza fa nanao fidinana ifotony tany amin’ireo orinasa mpanafatra sy mpivarotra fiara. Raha ny fenitra mahazatra eo amin’io departemantam-panjakana io, dia tsy maintsy mitondra taratasy ara-dalàna sy ofisialy manamarina ny iraka na « ordre de mission », saingy voalaza fa tsy voahaja io. Fitsirihana sy fanamarinana na « contrôle et vérification » no voalaza fa iraka nataon’ireo mpanara-maso ireo, saingy voalaza fa nisy resaka fitakiam-bola manokana, ka ny fahazoana vola be, izay miteraka sazy noho ny fahitana heloka no vesatra. Voalaza mantsy fa nandrahona, nanao tsindry mba hahazoana tsolotra natao tamin’ny mpitantana orinasa arahina maso. Nanitsakitsaka ny fitsipika mifehy ny asan’ireo mpiasam-panjakana, ary voalaza fa efa miverimberina sy fanaon’ireo tompon’andraikitra manana fahefana io. Amin’ny resaka famindrana vola na « transaction» no hakana ny vola mba hanafenana azy sy tsy hahatrarana satria araka ny lalàna, dia sazy miandry ny onitra, fanagadrana,... Efa fomba fiasan’ireo mpiasam-panjakana sasany io ary hikendrena vola be any amin’ireo orinasa matanjaka, raha ny fanamarihana. Efa tsikombakomba avo lenta, ka taorian’ny fanolorana azy ireo ny fampanoavana ny 12 febroary, dia nidoboka vonjimaika eny Antanimora ireo kaomiseran’ny varotra 2 sy mpanara-mason’ny varotra 2 ary « informateur » iray, hoy ny tatitra.
Toky R