airtel

Actualités

30-avril-2024

Krizin’angovo sy herinaratra mihamafy

Ny tsindry mitombo, ny mpitondra vao mainka mandetika…

Sample post image

Mihasarotra andro aman’alina ny olana mianjady amin’ny Jirama amin’izao fotoana izao.

30-avril-2024

Sesilany ny serasera milaza fahasimbana etsy sy eroa. Tao anatin’ny tapa-bolana, nisy olana ny “roulement” teny Mandroseza ho an’ny milina fanadioavan-drano, vaky ihany koa ny fantsona lehibe teny Ambohimiandra,… Ireo ny serasera nambara fa anton’ny olana nandritra ireny hetsika samihafa niseho teny Amboditsiry, Ankatso,… ireny. Vao andro vitsy ihany koa no nisy ilay fahatapahan’ny tariby mitondra herinaratra mahery vaika tetsy Ambatomaro ka nahatapaka ny jireo tamin’ny faritra an-jatony naharitra hatramin’ny adin’ny 5 ny sasany. Io ihany koa omaly hariva, dia nipoitra indray ny serasera nilaza fahatapahan-jiro adin’ny roa teo anelanelan’ny tamin’ny 6ora hariva hatramin’ny 8ora alina tamin’ny tanàna maro tato anatin’ny Faritanin’Antananarivo satria voakasika hatramin’ireo distrika samihafa, toa an’Ambohidratrimo, Avaradrano, Atsimondrano, hatrany Manjakandriana sy ny maro hafa. Nambara ho anton’io ny fahasimban’ny milina G2 ao Andekaleka. Ny tany an-toerana izay tsiahivina fa nisy ny fahasimban’ireo milina 3 ny fiandohan’ny taona 2022, ary tao anatin’izany ihany koa no nanaovana serasera fa tonga milina faha-4 ka vao tafapetraka io dia ho foana afaka 6 hatramin’ny 8 volana ny delestazy. Mandrak’ity ny androany, io iaraha-miaina io ny olana izay vao mainka mihamafy. Ny famokarana tsy ampy kanefa ny Fanjakana mihazakazaka amin’ny “branchement mora” nametrahan’ny Fanjakana fanamby hametraka kaontera mahatratra 15000 isa. Hatreto tokoa, mbola ny 15 hatramin’ny 20% amin’ny Malagasy no misitraka herinaratra, ary nosokajian’ny Banky Iraisam-pirenena ho firenena faha-13 maneran-tany manana tahana vahoaka betsaka indrindra tsy misitraka herinaratra. Mifanaraka amin’ny fihazakazahana hanao izany ve anefa ny famokarana izay poakaty ny 400MW tao anatin’ny 5 taona? Tena olana teknika fotsiny ve ny olan’ny angovo sy herinaratra miha mitombo ankehitriny? Kisendrasendra ny fitanisana fahasimbana lava sa efa fanakotankonana ny krizy ara-bola ka tsy atokisan’ny mpamatsy solika sy ny orinasa tsy miankina mamatsy herindratra? Tsy misy hidiran’ny any Andekaleka ny herinaratra aty aminay fa tapaka lava, hoy ny any SAVA. Ny olan’ny jirama amin’ny delestazy sy rano tapaka dia tsy olan’io orinasa io intsony fa olan’ny Fanjakana na “probleme de l’Etat”, hoy ny mpampianatra mpikaroka iray. Efa natomboka tamin’ny fampihenana 20% ny fandanian-tsolika ho an’ireo toby mpihary herinaratra manerana ny Nosy io, ary ireny nosarontsaronana serasera mipoapoaka fa hiantso olona nitantana ny Rwanda Energy Group ireny dia nangingina teo ka andrasana indray izay vokany amin’io volana mey io.
Toky R

 

 

 

 

 

 


 

Dans la même rubrique

25-juil-2024

Nandefa taratasy tamin’ireo orinasam-pifandraisan-davitra na « opérateurs téléphoniques »

Card image cap
25-juil-2024

Ela fikenona ny fitondram-panjakana amin’ny fananganana governemanta vaovao,

Card image cap
25-juil-2024

Olana mandavan-taona ny Jirama, izay manamafy sy manaporofo ny tsy fahombiazan’ny Fanjakana Rajoelina.

Card image cap
25-juil-2024

Nofaranana ny talata 23 jolay lasa teo teny amin’ny EPP Ivato Village ny ampahany

Card image cap
25-juil-2024

Maro ireo Malagasy te-hiala mafy amin’ny hofantrano noho ny hasarotan’ny fiainana.

Card image cap
25-juil-2024

Tsy manana fahafahana ny handany volabe hikarakarana trano ny ankamaroan’ireo Malagasy

Card image cap