Laza Razafiarison

ny Filoham-pirenena Andry Rajoelina i Laza Razafiarison omaly, teo anatrehan'ny fikarakarana lanonam-panjakana nandraisana fiara raitra avy amin'ny sinoa. “Izaho ry zareo aza fidiana ho filoha raha fandraisana lakile fiarakodia no asa atao a!”, hoy i Laza Razafiarison. “Ny maty any Ikongo mbola zava-dehibe kokoa amiko, fa raha fitokanana fiarakodia dia tena tsy hivoahako ny birao raha tsy hoe efa tsy misy asa hafa intsony miandry ahy,” hoy ity farany. Mifidiana ianareo, hoy izy, olona hafa, fa tsy mahaliana ahy ilay asan’ny filoha raha izao. Fanamarihana nentiny ny hoe: “Fiara 16 vs olona maty aman-jatony any Ikongo, 17 tao Ambositra, 29 Tanà, 3 Mahajanga, Manakara, Toamasina, Antalaha, Mahasoabe,...”. Nahitsy i Laza Razafiarison naneho hoe Fiara eo i Andry Rajoelina, Malagasy maty : .....". Raha jerena amin'ny lanjan'ny fanambarana nataony, dia tsy tsikera fotsiny no narosony fa fanakianana sy fampisaintsainana lalim-paka manoloana ny fihetsika ara-politika sy ara-pitondrana manamaivana ny fiainan’ny olom-pirenena sy ny maha olona. Toa manamafy fa tsy ampy fahatsiarovan-tena ara-moraly ny manam-pahefana amin’ny fitantanana krizy sy loza mitranga manerana ny faritra, raha oharina amin’ny lanonana mirentirenty sy fandraisana fitaovana vaovao. Fanehoan-kevitra manaitra manoloana ny fivoaran’ny toe-draharaha sosialy sy maha-olombelona, izay ahitana olana lalina amin’ny fomba fanehoan’ny mpitondra fa mijery sy mitsinjo vahoaka.
Toky R