Samy hanovokovoka handresy lahatra ny vahoaka, ary efa nisy aza moa ireo nangatra fiaingana, mampiasa mivantana na ankolaka fananam-panjakana sy fahefam-panjakana na volam-panjakana. Betsaka ny endrika fandikan-dalàna, eny fa hatramin’ny fihetsiky ny olona ao anatin’ny vaomieram-pirenena misahana ny fifidianana aza ireny iaraha-mahita sy maheno ireny, fa manao kabary an-karihary ho manohana ny kandidam-panjakana. Fifidianana madio inona no ho hita amin’izany ? Fangaraharahana manao ahoana no ho antenaina ? Ny endrika ivelany izay, fa efa niaraha-nahita ihany koa ny tao anatin’ny 5 taona hoe : tena depiote niady ho an’ny tombotsoam-bahoaka sa solombavam-panjakana niaro ny tsy fahombiazana no nisy teto ? Efa ireny nandeha nialohan’ny fotoana ireny ny toromarika an-kolaka ara-politika hoe : izay tianareo na ireo mamadika ahy sy ireo mpanohitra misakana fampandrosoana na ireo mamadika ahy, na ireo miara-dia amiko. Fampandrosoana inona no tena nandeha sy tokony hipaka any am-bilan’ny Malagasy nosakanana teto. Efa ny 95% amin’ny fahefana no azo miainga any amin’ny fokontany ka hatrany amin’ny Filohan’ny Repoblika dia mbola ny mpanohitra no diso sy misakana fandrosoana ve ? Mbola handeha ny fikatsahana maro an’isa amin’ny alalan’ny fividianana vahoaka, kajikajy maloto,… Anjaran’ny rehetra no mifoha amin’ny torimaso sy maka lesona, fa raha mbola hifidy mpananga-tànana tsy handinika sy hiady tetibolam-panjakana mba tena ho an’ny tombotsoan’ny maro an’isa, hiady ny hisian’ny lalàna tena hiarovana ny tombotsoa ara-toekarena, ny fihariana, ny fampianarana, ny fahasalamana,… fa raha mbola izao no mitohy dia asa izay hiafarana eto ?
Toky R
Nitombo 12% tamin’ny volana aprily teo raha oharina ny tamin'ny volana aprily 2023 ny mpizahatany
Taorian’ny Minisitry ny filaminana anatiny herinandro latsaka izay nidina teny amin’ny seranam-piaramanidina Ivato,
Vehivavy iray tombanana ho 30 taona eo ho eo no hita faty tao Fitroafana Talatamaty,
Nisokatra tamin’ny fomba ofisialy omaly 16 mey tetikasa telo vaovao eo amin'ny sehatry ny tontolo iainana,
mpitondra mahalala ny filàm-bahoaka sy tena laharampahamehana, vahoaka tsy sakana fa hery,
Raikely iray indray no voamarina fa nanolana ny zana-badiny vao 13 taona,