Mikisaka haingana miakandrefana somary atsimo andrefana izy ka mahafaka 35 Km/ora. Rivodoza mahery vaika hatrany i Freddy. 200 Km/ora ny rivotra entiny izay arahina tafiotra 280 Km/ora manakaiky ny foibeny. Tombanana hiditra an-tanety eo anelanelan’i Mahanoro sy Manakara anio talata alina ka vinavinaina ho 175 Km/ora ny rivotra hiaraka aminy ary tafiotra 250 Km/ora amin’izay fotoana izay. Hikija ny rotsakorana matevina (> 200 mm), hahery be na hisamboaravoara (> 10 metatra) ny ranomasina ary ahiana mafy ny fiakaran’ny ranomasina indrindra manamorona ny faritra hidirany an-tanety. “Hamakivaky ao an-drenivohitr’i Manakara sy Mahanoro anio alina manomboka amin’ny 09 ora ka hatramin’ny 10 ora ilay rivo-doza Freddy. Hikija tanteraka ny ranon’orana vokatr’izany. Hahatratra hatrany amin’ny 200 mm ny haavony ao anatin’ny 24 ora” araka ny fanamafisana sy fanazavan-dRaholijao Niry Lalao, tale eo anivon’ny sampana mpamantatra ny toetr’andro etsy Ampandrianomby. Nomarihin’ity tompon’andraikitra ity fa tafiditra ao anatin’ny faritra tokony hitandrina mafy ny Faritra Analamanga, Itasy, Bongolava mandritra ny fandalovan’io rivodoza io manomboka amin’ny Alarobia ho avy izao. Hahatratra hatrany amin’ny 260 km mantsy ny haben’i Freddy ka faritra maro no ho voakasiny. Efa saika miomana fatratra amin’ny fandalovan’ity rivo-doza ity avokoa ny rehetra manoloana izany. Efa nisy ny lamina napetraka ho an’ny birao nasionaly misahana ny loza voajanahary. Efa saika mihatrana any amin’ny faritra Atsinanana avokoa ny ekipa amin’izao fotoana izao mitondra sakafo, trano hipetrahan’ireo traboina….
Pati
Ahiana hisy rivo-doza hiforona hanakaiky an’i Madagasikara ato ho ato.
Nankatoavin'ny ny Filan-kevitry ny Minisitra omaly 24 aprily 2024 ny hanaovana lavanty
Vehivavy kely iray vao 29 taona antsoina hoe : Bezafy Armella omaly Alarobia 24 Aprily no fantatra fa maty
20 tapitrisa Ar be izao no saran’ny fampodiana ny vatana mangatsiakan’i Rasoarimalala Antoline,
Nampiana ny isan’ny polisy monisipaly sy ny mpamonjy voina hiasa eto Antananarivo renivohitra.
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,