Actualités

ary tsy voafaritra ao ny fankatoavana ny fanambadian’ny olona mitovy fananahana sy ny fahafahana manome ilay antsoina hoe PACS (Certificat de coutume relatif au Pacte civil de solidarité) ho an’izay endri-panambadiana izay. Noho izany, nilaza io Masoivoho Malagasy any Frantsa izao, fa tsy afaka mihitsy hanao fanamarinana mariazy na koa hanome ilay PACS ho an’izay mangataka izany, raha toa ka mitovy taovam-pananahana ireo mpivady mpanao fangatahana. Mihatra io ho an’ny Malagasy rehetra monina any ivelany amin’ny ankapobeny. Na araka ny lalàna, na araka ny soatoavina sy ny kolontsaina, mbola tsy nahazo fahalalahana eto ny fifanambadian’ny olona mitovy fananahana, saingy voarara kosa ny endrika herisetra atao amin’izy ireny, ary misy ny fanentanana samihafa mandeha. Mbola tsy eken’ny maro an’sa any anaty fiarahamonina Malagasy ny fivoizina sy ny fanalalahana an’io na amin’ny endriny inona na inona, saingy efa misy miezaka manasosoka azy tsikelikely ihany moa.

Toky R