airtel

Actualités

13-mai-2025

Mc Donald’s ho ampidirina eto

Ahetry hatrany ny vita malagasy

Sample post image

Taorian’ny KFC izany dia hoavy eto Madagasikara koa ny Mc Donald’s na Mc Do,

13-mai-2025

izay orinasa iraisampirenena amerikanina fanindroany amin’ny hiditra eto misehatra amin’ny sakafo maha voky ho an’ny olona maika na irony antsoina hoe «fast food» irony. Nireharehan’ny filoham-pirenena malagasy, Andry Rajoelina, izany tao anatin’ny kabariny raha nampahafantatra ny tombony ho an’i Madagasikara rehefa tafapetraka tanteraka ilay toera-mahasarika misy farihy vaovao antsoina hoe Lac Iarivo. Nambarany moa fa ny drafitra na «plan» momba ity fotodrafitrasa vaovao ho apetraka eny Ivato ity fotsiny sisa andrasan’io orinasa io. Ahetry hatrany, araka izany, ao anatin’izao fitondràna izao, raha ny hita tao anatin’izay 7 taona mahery izay, ny vita malagasy sy ny vokatra malagasy amin’ny alalan’ny fampidirana itony mpifaninana faran’izay matanjaka vaovao itony nefa ny famokarana eto an-toerana mampiaiky ireo mpahaitoekarena maro fa mbola tsy mety tafarina akory. Nampidirina ny vary safiotra sy ny vokatra mifanaraka amin’ny fampiroboroboana azy ary lasa mifaninana ho azy amin’ny voka-bary eto an-toerana toy ny vary gasy sy ny tsipala na makalioka. Nampidirina ny KFC dia lasa mpifaninana amin-dry Gastro Pizza ary manampy trotraka izany io koa izao ity Mc Do ity. Tsy hisy intsony koa, raha izao, hoy ny tsikeran’ireo mpanara-baovao ny toerana ho an’ny mofo gasy sy ramanonaka mbamin’ny koban’i Talatanivolonondry. Miala tsiny aminao aho andriamatoa filoha, hoy ny mpikatroka eo anivon’ny antoko politika Leader Fanilo, Hary Razafindrazaka, fa tsy hitondra soa ho an’ny fahasalamam-bahoaka ny KFC sy ny Mc Do, indrindra, moa fa ho an’ny fampandrosoam-pirenena.
Nangonin’i J. Mirija
 

Dans la même rubrique

23-juin-2025

Nanamafy tamin'ny haino aman-jery ny tonia mpampanoa lalana eo anivon'ny Fitsarana Ambaratonga

Card image cap
23-juin-2025

Nodimandry ny sabotsy teo, tamin’ny 12 ora atoandro, tao amin’ny hôpitaly CHU-JRA Ampefiloha

Card image cap
23-juin-2025

Miditra amina drafi-panarenana indray ny Jirama manomboka amin'ity taona 2025 ity ka hatramin'ny 2028.

Card image cap
23-juin-2025

Andro vitsy mialohan’ny fankalazana ny fetin’ny Fahaleovantena ny 26 jona,

Card image cap
23-juin-2025

Tsy tokony ho gaga isika raha mahantra ny firenena»

Card image cap
23-juin-2025

Raha tontolon’ny fiompiana, fikarakaràna, fampiadiana akoho dia sahinay ny miteny,

Card image cap