airtel

Actualités

18-août-2023

Actualités

Miha mahery vaika ny Delestazy Mitsefotra ny « tip top »-n’ny Minisitra Solo A.

Sample post image

Ny 10 aogositra, herinandro katroka omaly no nilazan’ny Minisitry ny angovo sy ny akoran’afo Atoa Solo Andriamanampisoa fa tsy hisy intsony ny delestazy avy amin’ny fitsitsiana.

18-août-2023

Fanafoanana tanteraka ny delestazy! Tsy hisy intsony delestazy eto Antananarivo Renivohitra sy ireo Renivohi-paritany, sahiko ny manambara izany ampahibemaso, ary efa tsy nisy intsony tao anatin’ny 6 andro izay”, hoy ity Minisitra ity tamin’izany. Ny zavatra misy, hoy izy, dia fahatapahana matetika, misy io satria misy ny olana teknika, fahatapahana tsy maintsy misy noho ny antony maro samihafa. “Tsy hisy intsony ny fahatapahana noho ny fitsitsiana na “déléstage économique”, fa ny fahatapahana teknika no mety hisy foana satria tampoka eo mety misy milina 2 no indray tsy mandeha kanefa isika tsy manana ambim-bava fa mety 10% fotsiny. Raha milina roa anefa no miala mety hatrany amin’ny 25% ka izany tsy foana tanteraka”, hoy ny fanazavan’ingahy minisitra izany. “Solika no olana teo aloha fa efa voavaha, ary ezahana ihany koa ny famahana ny olan’ny gazoala any amin’ny faritra. Tokony ho voavaha manomboka any amin’ny 15 aogositra any ho any”, hoy io minisitra io, izay nifanandrify tamin’ny fipariahan’ny tataratasy fitakian-trosan’ireo orinasa matihanina amin’ny fitaterana solika na ny APTH mahatratra 13,9 miliara Ar, ka nilazana fa nilamina, ary tsy hisy fahatapahana ny famatsiana solika satria efa vita ny fifampidinihana. Tsy nivalona akory ny herinandro, dia miverina nahery vaika indray ny delestazy. Mbola sahy handainga sy hilaza ihany ve delestazy teknika ny fahatapahana isan-kalina mandra-maraina eto Antananarivo? Manomboka mahery vaika indray ihany koa ny fahatapahana isaky ny atoandro, indrindra tao anatin’ny 3 andro farany, izay manodidina ny adin’ny roa ka hatramin’ny adin’ny efatra na mihoatra aza, ny any amin’ny faritra sasany aza dia misy hatrany amin’ny adin’ny folo. Vahaolana vonjy tavanandro ihany ve ny fahalefahan’ny delestazy tao anatin’ny andro vitsivitsy, fa miverina amin’ny laoniny indray ankehitriny ny olana ara-bola, ara-tsolika,…? Potika sy lasibatra ny seha-pihariana maro noho ny delestazy!Efa betsaka izay fampanantenana izay niainga tamin’ny 400MW tamin’ny 2018…
ANGOVO AMIN’NY HERIN’NY MASOANDRO
Ho an’ny kandida ho Filoham-pirenena Tahina Razafinjoelina, raha hiverenana, dia isan’ny vahaolana narosony hamahana ny olana ny firosoana amin’ny fampiasana ny angovo avy amin’ny herin’ny masoandro. Ohatra noraisiny tamin’izany ny hoe: raha ny vola naompana tamin’ny teleferika sy ny kianja barea dia mahatratra 480 miliara Ar eo, ahafahana manao angovo amin’ny herin’ny masoandro 160MW izay ahafahana mandrakotra ny sekoly sy hopitaly manerana ny Nosy. Mba ezahina ny atoandro amin’ny herin’ny masoandro farahafaratsiny, ary ny alina no alefa ny milina mandeha amin’ny solika ho an’ny Jirama, izay mampihena ho azy ny fandaniana.
Toky R

 

Dans la même rubrique

21-juin-2024

Tamin’ny fifidianana filoham-pirenena no efa niteny izahay fa tokony alamina aloha ny tokontanim-pifidianana,

Card image cap
21-juin-2024

Mikaroka hatrany ny hevitra hanomezana fahafam-po ny mpanjifa ny PHO Resto,

Card image cap
21-juin-2024

Zokiolona 1.500 isa nanomboka omaly Alakamisy 20 Jona no nozaraina fanomezana

Card image cap
20-juin-2024

Ny herinandro voalohan’ny volana mey no vaky am-batolampy, niparitaka ny horonan-tsary maneho ny fehetsika

Card image cap
20-juin-2024

Andro vitsy lasa izay no notokanana ny torapasika voatrolombelon’i Miami

Card image cap
20-juin-2024

Niditra an-tsehatra nanao hetsika fanadiovana sy fanalàna tsikafona amin’ny toerana

Card image cap