tia tanindrazana

Parution du Lundi, 20 Septembre 2021

airtel

Actualités

Minisitra Baomiavotse Raharinirina “Miaina anaty heloka ara-tontolo iainana isika”

Miaina anaty “criminalité environnementale” na heloka bevava ara-tontolo iainana isika amin’izao fotoana izao,

14-sept-2021

Sample post image

 raha ny nambaran’ny Minisitry ny tontolo iainana sy ny fampandrosoana lovain-jafy (MEDD) Baomiavotse Vahinala Raharinirina, omaly. Olona 600 no nalefa nidina tany Ankarafantsika RN4 teo anatrehan’ny firehetan’ny valan-javaboahary ny faran’ny herinandro teo. Ankoatra ny fiovan'ny toetr’’andro, izay anton’ny afo maneran-tany amin’izao fotoana izao, dia ny fanaovana arina, ny fandiovana tanety hambolena, ny fandorana ny bozaka hiraofan’ny biby fiompy ary koa ny fifindra-monina amin’ireo faritra arovana no tena antony lehibe mahatonga ny afo eto amintsika, hoy ny Minisitra. Ny ekipan-dRamatoa Filoha Lefitry ny Antenimieram-pirenena ho an’ny Faritanin’i Mahajanga, ny Governoran’i Boeny, ny Lehiben’ny Fileovana, ny Tonian’ny Fitsarana, ny Lehiben’ny Distrika Marovoay, ireo lehiben’ny mpitandro filaminana (tafika, zandary, polisy), ireo Talem-paritra rehetra ao Boeny, ny Mpianatra avy amin’ny Oniversiten’i Mahajanga, ny fokonolona no niara-mientana tamin’ny famonoana izany rehefa nahare ny antso nataon-dRamatoa Minisitry ny Tontolo iainana sy ny Tale Iraisam-paritry ny Tontolo Iainana any Boeny sy Betsiboka. Omaly 13 septambra vao voafehy ny afo. Tsy mbola fantatra kosa hatreto ny velaran-tany may. Nitrangana doro tanety ihany koa tao amin’ny làlam-pirenena faha-4, PK 30 ny alahady 12 septambra. “Mafy dia mafy ny rivotra ary maina ihany koa ny tanety ka sarotra ny mifehy ny afo. Rantsan-kazo no ampiasaina, ary tsy ho vita intsony. Any an-dafy dia misy ny fitaovana avo lenta, ny angidim-by mpanondraka rano sy famonoana afo,… Tena mila manao fampiasam-bola amin’izany isika. Mitombo ny afo satria matanjaka be ny rivotra mahatratra 20 hatramin’ny 30km isan’ora raha ny tatitra voaray, maina be ihany koa ny tontolo izay mampandeha ny afo. Rehefa malefaka izany vao mety tena ho afaka hamaritra sy hanombana ny velaran-tany may”, hoy ny Minisitra. “Manao antso avo ny MEDD mba tsy avelantsika ho may ny rohivoahary kely sisa ananantsika fa andeha hiara-hientana amin’ny fiarovana azy ireny. Ho an’ny Taninjanaka”, hoy ny Minisitra.

Toky R
 

Dans la même rubrique

Card image cap
Fonjan’Imerintsiatosika Manara-penitra lavitra noho ny oniversitem-panjakana
20-sept-2021

Sao dia tokony ampifanakalozana ny « cité universitaire » sy ny fonja manara-penitra, hoy ny fanontanian’ny mpampianatra mpikaroka iray nahita an-tsary ny ivelany sy atin’ny fonja

Card image cap
Ahiahina trafika teny Ivato Misy resaka manjavozavo ihany
20-sept-2021

Ritsoka avy any amina loharanom-baovao iray no ren’ny tompon’andraikitra teny amin’ny seranam-iaramanidina iraisam-pirenena Ivato ka nahatonga azy ireo naka fepetra hentitra hisava ireo mpandeha rehetra

Card image cap
Tsy nahaloa vola indray ny fanjakana Nalain’ny tompony ilay fiaramanidina CASA
17-sept-2021

Navoakan’ny fampahalalam-baovao Frantsay Le Monde fa nalain’ny orinasa Frantsay Sofema ny fiaramanidina Casa CN-235 novidian’ny Filoha Andry Rajoelina ny 2019.

Card image cap
Biby hafahafa any Vangaindrano Olona no lohany, kisoa ny vatany
17-sept-2021

Nisehoana tranga hafahafa tany amin’ny distrikan’i Vangaindrano omaly. Kisoa iray no fantatra fa niteraka olona ka tahaka ny olona mihitsy ny lohany.

Card image cap
Tra-doza tany amin’ny Oniversiten’Antsiranana Tsy tana ny ain’ilay tovovavy vao 18 taona
17-sept-2021

Nodimandry ilay tovovavy vao 18 taona monja antsoina hoe Elisah, izay nilatsahan' ny solaitrabe vita tamin’ny simenitra ny marainan'ny alatsinainy 13 septambra lasa teo tao amin’ny Oniversiten’Antsiranana.

Card image cap
Abel Anicet Hilalao ao amin’ny Levski Sofia
17-sept-2021

Araka vaovao mbola tsy ofisialy omaly, dia hijanona ao amin’ny fifaninanam-pirenena Divizionina voalohany (D1) any Bulgarie ny kapitenin’ny Barean’i Madagasikara Abel Anicet Andrianantenaina.

Voir plus