Minisitry ny fitaterana vaovao Hijery akaiky ny fametrahana ny « Train urbain » sy ny "téléphérique"

Fantatra izany omaly maraina nandritra ny famindram-pitantanana teo aminy sy ny minisitra teo aloha, Atoa Ranjatoelina Rolland. Tafiditra ao anatin’io tanjona hapetrany io raha araka ny fandraisam-pitenenana nataony omaly ny fijerena ireo fitaovana entina hanatsarana ny foibe famantarana ny toetry ny andro. Ny famaranana ny ASSR na ny Aire de Service, de Sécurité et de Repos, ny fametrahana fanamby hampivoarana ny Madagascar Airlines, ny fijerena manokana ny FCE sy ny fitaterana an-dàlamby amin’ny ankapobeny ary ny fanatanterahana ny "Train urbain" sy ny "téléphérique". Nanambara hatrany moa ity ministra vaovao ity fa na betsaka aza ny tanjona napetrany dia ilaina hatrany ny fiaraha-miasa amin’ireo ministera rehetra hahafahana manatanteraka izany.
Nangonin’i Pati
Legende : Nandritra ny famindram-pahefana omaly