Mpanakanto miray feo

La nuit de la solidarité” ireo mpanakanto Malagasy mivondrona anatin’ny Mpanakanto Miray Feo Madagasikara. Ny tanjona dia ny hanangona vola hanampiana ireo vahoaka traboina noho ny fandalovan’ny rivo-doza Gezani, izay namely mafy indrindra ny faritra Toamasina. Ankoatra ny saram-pidirana, hisy ihany koa vata manokana ahafahan’ny olom-pirenena mandrotsaka izay fanampiana kely ho fanohanana ny hetsika. Miisa 3 ireo seho: La City Ivandry 20 febroary manomboka amin’ny 8ora alina ahitana an’i Melky, Stéphanie, Ceasar, Jaojoby, Black Nadia, Wawa (PAF: 20.000 Ar) ; Le Glacier Analakely 20 febroary ihany: Wendy Cathalina, Lola, Jerry Marcoss, Lico Kininke (PAF: 10.000 Ar). Le Glacier Analakely 21 febroary: Tanjona R., Ckycky, Ndondolah & Lucia, Sisca, Stéphanie, Fandrama, Dadi Love (PAF: 10.000 Ar). « Zava-dehine ary masina aminay mpanakanto ny kolontsaina Malagasy, ka anisany ny Firaisankina. Hifanome tanana amin’ny voin-kava mahatratra, tsy maintsy mandray anjara, handray anjara ny mpanakanto tsy ankanavaka fa mitondra teny ihany izahay. Hamehana ity, misy ireo efa handray anjara, fa mbola ho avy ny manaraka. Manentana ny rehetra mba samy handray anjara sy hanao tolo-tànana ho an’ireo havantsika, hoy i Christian Salala Filohan’ny Fikambanana Mpanakanto miray feo Madagasikara. Nanaiky an-tsitrapo ny mpanakanto, ny talenta no anananay, dia mba izay entinay hampiasaina hisarihana olona, hoy izy nandritra tafa sy valan-dresaka nataon’ireo mpanakanto maromaro sy mpanohana, nahitana an-dry Rajery, Jaojaoby, Ndondolah, Fandrama,...
Toky R