MPANAO POLITIKA

Nandehabe ny feo tato ho ato fa mitovy ihany ireo mpitondra fivavahana sy ny mpanao politika eto amintsika. Samy mpambotry vahoaka hoy ny sasany no sady mpamitaka. Tsy niahotra akory Pastera Heritiana Randriarimalala filoha mpanorina ny trano fivavahana Vahao ny oloko raha nanontaniana ny mikasika izany. Nambarany fa mety ho marina izany nefa mety tsy ho marina ihany koa. Ho an'ny mpanao politika hoy izy dia tena misy tokoa ireo mpamitaka sy mpambotry vahoaka. Fa misy koa anefa ireo tena miasa amin'ny fo sy tia tanindrazana. Toraka izany koa ny mpanompon'Andriamanitra hoy izy. Misy ireo tena milofo fatratra hampandeha ny asan'Andriamanitra sy mamonjy fanahin'olona raha misy koa ireo mifanohitra amin'izay. Ho azy manokana dia nomarihiny fa antso ny asan'Andriamanitra. Tsy hataotao foana fa famonjena fanahin'olona hoy hatrany izy.
Pati
Légende : Pastera Heritiana Randriarimalala mpanaraka raharaham-pirenena koa !