Nananatra mafy i Vanessa Manonga

I Black Nadia, raha sanatria hitsovaka ny tarehiny, dia afaka mitsabo tena any an-dafy izy fa ny an-dry handrebireby sain'olona eto hoe ahoana no atao fa tazana eo amin’ny takolaka ny fara-vazana, hoy ny mpampaneno lakolosy an-tambazotran-tserasera, Vanessa Manonga, ny faran’ny herinandro teo manoloana ity resaka menaka manafotsy hoditra nalaza tato ho ato ity. Misy orinasa kely ao anatintsika ao mpamokatra «Mélanine», izay tomponandraikitra amin’ny lokon'ny hoditra sy miaro amin’ny masoandro, hoy izy. Raha simbàna sy sakanana hanao ny asany amin'ireny «produits éclaircissants» na vokatra manazava endrika ireny io dia androany rehefa fotsy tsara aloha mbola hoe «mpialona toujours afara». Rehefa may sy sanatria voan'ny homamiadana, afaka taona maro aty aoriana, dia hoe raha misy izany Jesosy izany, maninona no misy marary, hoy hatrany ny tenany nananatra mafy?
J. Mirija