airtel

Actualités

20-avril-2023

Actualités

Paositra Malagasy Nahazo fampitaovana maro avy amin’ny UPU

Sample post image

Nahazo fitaovana avy amin’ny UPU (Union Postale Universelle) ny Paositra Malagasy mba hoenti-manatsara ny fampandehanana asa.

20-avril-2023

Ny fanatsarana ny kalitaon'ny fandefasana, fandraisana entana sy taratasy eo anivon'ny Paositra no tanjona amin’ny alalan’ny tetikasa FAQS na Tahirim-bola hanatsarana ny kalitaon’ny servisy. Ny FAQS izay nitsangana tamin'ny 2001, dia tetikasa ara-bola izay manana tanjona tokana dia ny fanatsarana ny kalitaon'ny fandefasana-fandraisana entana sy taratasy eo anivon'ny Paositra. Mahatonga ny paositra nasionaly sy iraisam-pirenena mikoriana haingana kokoa, ary azo antoka. Ny vokatra tsara hita tao amin'ny Paositra Malagasy no nanampy tamin'ny fahazoana izany fanohanana izany avy amin'ny UPU hoy ny eo anivon’ny Minisiteran’ny Paositra sy ny fifandraisan-davitra. Nahazo Bajaj 10, môtô 25 ary kamiao 10 taonina 4, araka izany, ny Paositra Malagasy omaly 19 aprily, ka ny Minisitry ny Paositra Atoa Tahina Razafindramalo no nandray izany tamin’ny fomba ofisialy. Nambarany fa hampiasaina amim-pahendrena ireo fitaovana ireo satria tsy ny firenena rehetra no mahazo tombony amin'ny tetikasa manan-danja toy izao. Noderainy ihany koa ny ezaka natao hanatsarana ny serivisy eo amin'ny sehatry ny paositra. Nambara fa matoa ny Paositra Malagasy, tao anatin'ireo mpandraharaha maro maneran-tany no nofidiana, dia noho ny fahamendrehana sy ho fankasitrahana ny ezaka natao. Ankoatra izay, nahazo solosaina miisa 40 ihany koa ny Paositra Malagasy, Panneaux solaires 40 sy box internet 40 avy amin'y firenena japoney, izay mitentina 80,000 USD ho fanamafisana ny "inclusion financière". Ireo ezaka amin’ny fanatsarana ny kalitaon’ny asa ireo dia nambara fa manamafy ny velirano faha-11 nataon’ny Filoha: « Fanavaozana an’i Madagasikara » sy manamarina isan'andro ny teny faneva an'i Paositra Malagasy: Présente - Visible - Fierté de tous, hoy ny fampitam-baovao.
Toky R


 

Dans la même rubrique

21-juin-2024

Tamin’ny fifidianana filoham-pirenena no efa niteny izahay fa tokony alamina aloha ny tokontanim-pifidianana,

Card image cap
21-juin-2024

Mikaroka hatrany ny hevitra hanomezana fahafam-po ny mpanjifa ny PHO Resto,

Card image cap
21-juin-2024

Zokiolona 1.500 isa nanomboka omaly Alakamisy 20 Jona no nozaraina fanomezana

Card image cap
20-juin-2024

Ny herinandro voalohan’ny volana mey no vaky am-batolampy, niparitaka ny horonan-tsary maneho ny fehetsika

Card image cap
20-juin-2024

Andro vitsy lasa izay no notokanana ny torapasika voatrolombelon’i Miami

Card image cap
20-juin-2024

Niditra an-tsehatra nanao hetsika fanadiovana sy fanalàna tsikafona amin’ny toerana

Card image cap