ROMODROMOTRA NY OLONA

Efa somary manahirana be ihany ny fiainana eny anivon’ny fiaraha-monina eny amin’izao. Noho ny hamaroan’ireo manahirana sy ny hasarotan’ny fiainana dia betsaka amin’ny mpiara-belona no lasa romodromotra ka na ireo mpivady ao an-trano aza lasa mifandripaka. Mandehabe ihany koa ny resaka tondromolotra sy ny lonilony. Lehilahy iray manodidina ny 23 taona eo ho eo omaly Talata atoandro tao an-drenivohitr’i Toamasina no voakapa baramina tamin’ny ora tsy nampoizina ny tongony ka tapaka. Nilaza ilay lehilahy namely azy io fa olona nanendaka azy tamin’ny taona 2023 ilay lehilahy nanamparany ny hatezerany. Tsy nisy vavolombelona nanamarina izany anefa. Voatery niditra an-tsehatra moa ny polisy Polisy avy ao amin’ny Vigie -Ambolomadinika naka azy mirahalahy. Betsaka moa ireo nilaza fa mety ho “règlements de comptes” ity fikapana tongotr’olona manta tamin’ny baramina niseho tao Toamasina omaly ity.
Pati