Saika handeha hanjono tamin'irony sambo kely haingam-pandeha na "Speed Boats" irony izy ireo ary efa tamin'ny 5 febroary no niala tao Grande Baie (Maorisy). Nisy anefa ny antso vonjy izay nataon'ny iray tamin'ireto tanora ireto izay eo anelanelan'ny 22 hatramin'ny 36 taona. Raha ny nolazain'ireto zatovo ireto dia nisy ny fahasimban'ny milina mampandeha ny sambo ka noviravirain'ny onjan-dranomasina sy natosiny nanamorona ny sisin-tanin'i Madagasikara ilay sambo kely. Novinavinain'ireo mpamonjy voina sy ny tafika an-dranomasina ny lalana sy ny toerana mety nisy azy ka raikitra ny famonjena ireto farany. Nifanome tanana tamin'ny fandrindrana sy fanavotana azy ireo teo anivon'ny CROSS La Réunion, ny JRCC Mada, ny CRFIM (Centre Régional de Fusion des Informations Maritimes), ny APMF (Agence Portuaire Maritime et Fluviale). Ny sambo mpitatitra kaontenera Hasted no nandray azy ireo ary nafindra tamin'ny Patrouilleur Côtier Malaky an'ny Tafika an-dranomasina. Tonga soa aman-tsara teny amin'ny seranan-tsambo an' Antsiranana izy ireo omaly maraina, ary natolotra ny tompon'andraikitra ny fanohizana ny fikarakarana sy fandraisana an-tanana azy ireo, hoy ny fampitam-baovao.
Toky R
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss