airtel

Actualités

07-sept-2022

Actualités

Sendra izay reny zava-doza Norarahana rano mahamay ny fivavian’ilay zazavavy

Sample post image

Misy mahavanon-doza ny Reny na dia Reny nitondra sivy volana an-kibo izao aza. Porofon’izany ny fahoriana niainan’i Lefitra, ilay zazavavy kely vao 9 taona monja mipetraka ao Ankakafotra, distrikan’Ambositra.

07-sept-2022

Maratran-dReniny hatrany ity zaza ity isan’andro hoy ny vaovao. Maty daroka, tsongo, raha efa norarahany rano mahamay ihany koa ny fivaviany, tranga izay niainany isan’andro. Feno ratra avokoa ny vatan’i Lefitra noho izany. Na izany aza mbola novelesin-dReniny efa saika tsy nisy aina intsony izy teny an-tanimbary ka vehivavy iray no nitondra azy namonjy ny hopitaly ary nampandre ny mpitandro ny filaminana. Voatery nanaovan’ny zandarimariam-pirenena fanadihadiana ilay Reniny noho izany ka nambarany fa maditra hono i Lefitra. Nangalatra 1.000 Ar hono izy, tranga izay mety hoataon’ny ankizy rehetra. Manan-jandry lahikely anefa i Lefitra raha zanaky ny Reniny manokana kosa izy. Raha araka ny fantatra moa dia tapaka ihany koa ny tanan’ity zaza ity, folaka ny tongony sy lohalikany vokatry ny hazo mafy nikapohana azy. Mbola manaraka fitsaboana ao amin’ny CHRR Vatofotsy moa ity zaza tsy manan-tsiny ity amin’izao fotoana izao. Raha araka ny fantatra hatrany dia hoentin'ny dadabeny hody any Andranovorivato izy rehefa sitrana soa amantsara. Miantso ireo malala-tanana afaka hanampy an’i Lefitra kely araka izany ny Ben’ny tananan’Ambositra renivohitra mba hifanome tanana amin’izy ireo.
Pati
Legende : Tahaka izao no nanjo ilay zaza tsy manan-tsiny
 

Dans la même rubrique

28-févr-2024

Dila izay ny iray volana sy tapany nanendrena ny ben’ny tanànan’Antananarivo

Card image cap
28-févr-2024

Samy nahatsikaritra ny rehetra fa nisy ny fahatapahan-jiro niverimberina omaly

Card image cap
28-févr-2024

Tafidina hatrany amin’ny 200 Ar ny iray kilao amin’ny paoma any

Card image cap
28-févr-2024

Zary lasa saham-pisolokiana goavana, efa an-taona maro izao, ny tambazotran-tserasera.

Card image cap
28-févr-2024

Zaza roa be izao no fantatra fa indray maty nilatsaham-potaka omaly Talata 27 Febroary

Card image cap
27-févr-2024

Nisy fahavakisana ny karieram-bolamena tao Antanifotsy Ilempona ao amin'ny fokontany

Card image cap