airtel

Actualités

19-avril-2023

Actualités

Soavinandriana Itasy Lehilahy iray no nanolana ny zanany moana sy marenina

Sample post image

Lehilahy iray no nanolana ny zanany vavy naterany, 17 taona, tao amin'ny kaominin'i Mananasy, distrikan'i Soavinandriana Itasy.

19-avril-2023

Manana fahasembanana io zaza io, hoy ny fampitam-baovao. Sady moana no marenina. Nandositra tany amin'ny nenitoany (rahavavin-dreniny), tany amin'ny kaominin'Ambohidanierana, efa ho roa volana izy. Io havany io no nandray andraikitra nametraka fitoriana teo amin'ny polisy ny 3 aprily. Nanadihady ny raharaha avy hatrany ny lehiben'ny kaomisaria Soavinandriana Itasy. Fantatra fa na mamo na tsia ilay rangahy dia manolana io zanany io. Entiny any an-tsaha, safoiny ny nonony ary tazoniny ny tanany. Mandositra ilay zaza ka antsoiny amin'ny baiko tanana mba hanao firaisana. Tsy manaiky anefa ilay zaza. Rehefa izany, ny alina indray, rehefa maty jiro, no anaovany ny filan-dratsiny. Efitra iray rahateo ny trano sady fatorian'izy 6 mianaka. Rehefa tsy azon'ilay rangahy avy ao aoriana dia azony ao aloha. Voalaza fa efa nisy fotoana tafahiaka ilay zaza. Taitra ny reniny sy ireo zandriny saingy matahotra tsy mahasahy miteny. Midaroka sy mamono vady ilay rangahy. Milefitra aminy moa matahotra ny havam-badiny ny renin'ity tsy manan-tsiny ity. Voamarin'ny mpitsabo fa simba ny mahavehivavy ilay zaza. Efa matetika ilay herisetra. In-1 kosa no tena nahavanona ny filàny ilay rangahy. Nanampy tamin'ny fihainoana ilay zaza ny mpandika teny avy amin'ny minisiteran'ny mponina. Ilay mpanolana kosa nandà ny heloka anenjehana azy. Sady tsy nanolana izy no tsy nanao herisetra tamin-janany, hoy ny filazany. Natolotra ny fampanoavana omaly izy mivady. Rangahy naiditra am-ponja vonjimaika, raha nomena fahafahana ramatoa notondroina ho niray tsikombakomba taminy, hoy hatrany ny fampitam-baovao voaray.
J. Mirija
 

Dans la même rubrique

24-mai-2024

Nolanian’ny filankevitry ny minisitra ny volavolan-dalàna momba ny lalàna mifehy ny tetibolam-panjakana 2024

Card image cap
24-mai-2024

Tokony handray andraikitra koa amin’ny ady amin’ny fiovaovan’ny toetr’andro ny sehatra

Card image cap
24-mai-2024

Teratany karana iray fantatra amin’ny anaram-bositra hoe Sergio no voalaza

Card image cap
24-mai-2024

Lasa ny saiko mandinika ity fihetsiky ny Filoha farantampony tsy tahotra tsy henatra manao propagandy ity.

Card image cap
24-mai-2024

Anio 24 may hatramin'ny 31 may 2024 izao dia manolotra fihenam-bidy

Card image cap
23-mai-2024

Tontosa soa aman-tsara tetsy amin’ny Ibis Hotel Ankorondrano omaly ny “Salon des creatrices Neny Manja”,

Card image cap