airtel

Actualités

07-mars-2022

Actualités

Toetry ny andro Miala any indray ny rivodoza

Sample post image

Efa nandrivotra be ny teto Antananarivo nanomboka omaly hariva. Miha manakaiky hatrany an’i Madagasikara ilay andro ratsy miforona any amin’ny ranomasimbe Indianina.

07-mars-2022

Tany amin’ny manodidina ny 390 km Atsinanan'i Cap Masoala no nisy ny foibeny omaly tamin’ny 4ora hariva, raha ny vaovao navoakan’ny Météo Madagascar. Mbola malefaka ny heriny satria 46 Km/ora ny rivotra miaraka aminy. Mikisaka miakandrefana izy ka mahafaka 10 Km/ora. Ato anatin'ny telo andro manaraka dia tombanana hanohy ny diany hiankandrefana izy ka ahiana hiditra an-tanety ao amin'ny Faritra SAVA/Analanjirofo ny talata na alarobia ho avy izao amin’ny tanjaka “Tempête Tropicale”, hoy hatrany ny Météo Madagascar. Mba ho fiomanana sahady dia entanina ny mponina amin’ireto Faritra sy Distrika manaraka ireto mba hampihatra ny fepetra mikasika ny filazana fanairana: Sava, Analanjirofo, Alaotra, Befandriana Nord, Bealanana, Mandritsara, Toamasina I-II, ary Brickaville, hoy ny toromarika. Nentanina ihany koa ny mpampiasa ranomasina eo anelanelan’Antsiranana sy Mahanoro mba hitandrina tsara satria hiharatsy miandalana ny toetry ny andro. Entanina ny tsirairay mba hanaraka ny toro-marika omen’ny manam-pahefana isan-tokony. Karazana loza vaovao mandindona an’i Madagasikara indray io andro ratsy io, ary tamin’ity taom-pahavaratra sy taonan’ny rivodoza ity no heverina fa fotoana isan’ny nahabetsaka ny loza voajanahary niseho teto. Ankoatra ny rivodoza miainga avy any an-dranomasina, dia miha miharihary ihany koa ny voka-dratsy ateraky ny fiovaovan’ny toetr’andro vokatry ny fahapotehan’ny tontolo iainana. Na ny fiantraikan’ny rivodoza aza mihamafy hatrany satria potika ny ala sy ny tontolo iainana izay isan’ny tokony hanakana sy mampihena ny heriny eny am-pandehanana. Mihazakazaka ny famotehana ala, indrindra tato anatin’ny 10 taona farany nampalaza ny trafika amin’ny endriny maro. Ny resaka orana sy hain-tany moa dia tena henjana ny fiantraikany satria rehefa maina, dia tena ara-bakiteny tsy misy hiainana, rehefa orana, dia orambe matevina mitera-doza,…
Toky R
 

Dans la même rubrique

24-mai-2024

Nolanian’ny filankevitry ny minisitra ny volavolan-dalàna momba ny lalàna mifehy ny tetibolam-panjakana 2024

Card image cap
24-mai-2024

Tokony handray andraikitra koa amin’ny ady amin’ny fiovaovan’ny toetr’andro ny sehatra

Card image cap
24-mai-2024

Teratany karana iray fantatra amin’ny anaram-bositra hoe Sergio no voalaza

Card image cap
24-mai-2024

Lasa ny saiko mandinika ity fihetsiky ny Filoha farantampony tsy tahotra tsy henatra manao propagandy ity.

Card image cap
24-mai-2024

Anio 24 may hatramin'ny 31 may 2024 izao dia manolotra fihenam-bidy

Card image cap
23-mai-2024

Tontosa soa aman-tsara tetsy amin’ny Ibis Hotel Ankorondrano omaly ny “Salon des creatrices Neny Manja”,

Card image cap