airtel

Actualités

07-mai-2024

Trafikana harem-pirenena sesilany

Sokatra sy tarondro ary bibilava 31 sarona teny Ivato

Sample post image

Karazam-biby tsy fahita afa-tsy eto Madagasikara telo karazana be izao no fantatra

07-mai-2024

fa saika haondrana lehilahy tera-tany Israeliana iray tany ivelany omaly. Raha araka ny fantatra dia nandray ny sidina ET 852 ho any Athènes Grèce no tena anto-dian’ity tera-tany Isareliana ity, saingy tsy maintsy mandalo Addis Abeba ny tenany. Tsy maintsy mandalo fisavana avokoa anefa rehefa mandalo etsy amin’ny seranam-piaramanidina Ivato. Nambaran’ny tale jeneralin’ny Fadin-tseranana nandritra izany fa miisa 31 ireo zava-manan’aina saika haondran’ity tera-tany Israeliana ity an-tsokosoko tany ivelany. Miisa 8 ny sokatra, 20 ny tarondro ary miisa 3 ny bibilava. Notsindriany manokana fa ankoatra ireo karazam-pitaovana fitiliana ireo entana kasaina havoaka any ivelany dia efa manana alika vita fiofanana ihany koa ny fadin-tseranana mitily sy mijery ireny karazana zava-manan’aina ireny, antony nahatrarana azy ireo. Omaly hariva ihany moa dia efa notazonina mba hatao fanadihadiana ilay tera-tany Israeliana. Andro vitsy taorian’ilay fahatrarana sokatra 1076 sy gidro 48 tany Thailande ny 01 mey teo no misy ity tranga ity. Fifandrifian-javatra ihany sa ao anatin’ny vanim-potoanan’ny propagandy tahaka izao no tena mitombo be ny trafika ? Sao mba natao hanakonana ilay tranga goavana any ivelany sy hanehoana fa tena miady amin’ny trafika ny Fanjakana dia nasiana ity tranga iray ity ? Momba ilay tranga tany ivelany mantsy, ankoatra ireo olona 6 voasambotra any dia misy olona 4 nambara fa efa voasambotra ao amin’ny fadin-tseranana. Nambaran’ny Minisitry ny tontolo iainana aza, fa misy olona hafa fantatra fa tompon’antoka, ary misy porofo izany. Hivoaka ary ve ny tena marina momba ny tena tompon’ny entana ? Ho fantatra ve ny tena atidoha sa hijanona amin’ny pirinina ? Handeha ho azy ve ny trafika raha tsy misy manam-pahefana tafiditra ?
Pati sy Toky R
Legende : Tian’ireo teratany vahiny mihitsy ireo karazan-tsokatra misy eto amintsika tahaka izao !
 

Dans la même rubrique

25-juil-2024

Nandefa taratasy tamin’ireo orinasam-pifandraisan-davitra na « opérateurs téléphoniques »

Card image cap
25-juil-2024

Ela fikenona ny fitondram-panjakana amin’ny fananganana governemanta vaovao,

Card image cap
25-juil-2024

Olana mandavan-taona ny Jirama, izay manamafy sy manaporofo ny tsy fahombiazan’ny Fanjakana Rajoelina.

Card image cap
25-juil-2024

Nofaranana ny talata 23 jolay lasa teo teny amin’ny EPP Ivato Village ny ampahany

Card image cap
25-juil-2024

Maro ireo Malagasy te-hiala mafy amin’ny hofantrano noho ny hasarotan’ny fiainana.

Card image cap
25-juil-2024

Tsy manana fahafahana ny handany volabe hikarakarana trano ny ankamaroan’ireo Malagasy

Card image cap