Actualités

trafikana volamena 73,5kg tratra tatsy Afrika Atsimo ny firenena matanjaka, toy ny Amerikanina amin’ny alalan’ny CIA (Central Intelligence Agency), ny Interpol na ny Polisy Iraisam-pirenena, ary re fa manadihady ihany koa ny DGSE (Direction Générale de la Sécurité Extérieure) an’ny frantsay, ny NAICHO Japoney. Hatreto, tsy misy ny tatitra ofisialy sy fanazavana antsipirihany mikasika ny setrin’ny fangatahana ny fampodiana ny volamena sy ireo 3 lahy avy amin’ny Fanjakana Malagasy. Na ny anaran’ireo iraka nalefa any Afrika Atsimo aza tsy nampahafantarina mazava. Ny fantatra sy efa notaterina teto omaly dia ny hoe: mihemotra amin’ny 01 febroary ny fitsarana atsy Afrika Atsimo, ary raha misy ny tsy fahampiana amin’ny fanadihadiana, dia afaka mihazo an’i Madagasikara ny Interpol sy ny mpanao famotorana Afrikanina Tatsimo. Misy ny komisionina natsangana ahitana minisitra maromaro ary ireo no tokony hiteny,… kanefa tsy nisy tatitra ara-potoana sy fanazavana ara-teknika hatreto. Mangina tanteraka ny manam-pahefana Malagasy, izay tsy ho afa-bela ao anatin’io noho ny goragora, ny fitantanana tsy mangarahara, ny kolikoly avo lenta,... Hatramin’izay teto toa vitavita ho azy sy noboriboriana tamin’ny hoe “mpanenjika tozoro afara”. Hampifoha ny fanadihadiana momba ny afera maro fa tsy hijanona amina volamena 73,5kg, mety hiteraka sazy mivantana na ankolaka ho an’i Madagasikara, tsy hahatoky antsika ny mpamatsy sy ny mpampiasa vola, ho tratry ny savahao ny fiaramanidina avy aty Madagasikara,… Azo lazaina ho Firenana mpiara-miombon’antoka voalohany amintsika ireo voalaza etsy ambony. Manana dian-tànana sy ny teny farany ao anatin’ny Banky Iraisam-pirenena sy ny Tahirimbola Iraisam-pirenena. Sarotra ny hampiverina haingana ny fitokisana ny manam-pahefana Malagasy satria maro ireo afera naha ratsy laza antsika, indrindra nanomboka ny tetezamita.

Toky R